ភ្នំពេញ៖ សព្វថ្ងៃគេសង្កេតឃើញថា តារាចម្រៀងប្រចាំផលិតកម្មរស្មីហង្សមាស លោក ណុប បាយ៉ារិទ្ធ កាន់តែទទួលបានប្រជាប្រិយភាពពីមួយថ្ងៃទៅមួយថ្ងៃ ហើយនៅពេលនេះ លោកក៏កំពុងតែធ្វើជាគណកម្មការក្នុងកម្មវិធីដ៏ល្បី X Factor Cambodia រដូវកាលទី១ ផងដែរ។
ដោយឡែក បើងាកមកមើលសកម្មភាព និងអត្តចរិតក្រៅឆាករបស់តារាចម្រៀងរូបនេះវិញ ស្រាប់តែថ្មីៗនេះ មហាជនមានការភ្ញាក់ផ្អើលយ៉ាងខ្លាំង ក្រោយឃើញគណនីរបស់បុរសម្នាក់ បានបង្ហោះរូបជាមួយលោក ណុប បាយ៉ារិទ្ធ ដោយភ្ជាប់ជាមួយសារ ពោលសរសើរលោកមិនដាច់ពីមាត់ថា៖ “រឿងពិត ខ្ញុំពិតជាខ្មាសកំពូលតារាចម្រៀងរៀមច្បងម្នាក់នេះណាស់ ខ្ញុំទៅដល់ស្ថានីយ៍ទ្បើងចង់ខើតពេលសមហើយភ្លាមដល់ម៉ោងផ្សាយផ្ទាល់ភ្លាម យាយទៅប្រញាប់ប្រញាប់ហ្មង ហើយបានបង Nora ថាអូនឯងមើលបងរិទ្ធគាត់មកដល់តាំងយូរ ដូចមុន១ម៉ោង មុននិងផ្សាយផ្ទាល់ យាយមែនខ្ញុំធ្លាប់តែឃើញតារាល្បីផ្សេងៗ កៀកម៉ោងបានមកដល់ ទើបជួបគាត់ទេ វាជៀសវាងមានបញ្ញាផ្សេងៗយើងរៀបចំទាន់(សន្យាខ្លួនឈប់មើលងាយពេលវេលាហើយ និងយកគម្រូតាមmy idol ណុប បាយ៉ារិទ្ធ គួរឲ្យគោរព(សុខចិត្តឲ្យសល់ពេលកុំឲ្យខើចពេល)”។
ទោះជាយ៉ាងណាក្តី ផ្អែកលើសារទាំងនេះ បុរសម្នាក់នេះក៏ជាអ្នកចម្រៀងជំនាន់ក្រោយម្នាក់ដែរ ហើយរូបលោកពិតជាពេញចិត្តនូវទង្វើរបស់លោក ណុប បាយ៉ារិទ្ធ ជាខ្លាំង ព្រោះថាលោក ណុប បាយ៉ារិទ្ធ បើទោះខ្លួនជាតារាល្បីក៏ពិតមែន ក៏ប៉ុន្តែលោកនៅតែរក្សាជំហររបស់ខ្លួន គោរពពេលវេលា មិនអាងខ្លួនល្បីមកយឺតនោះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]