ភ្នំពេញ៖ ការប្រកួតបាល់ទាត់ពានរង្វាន់លីគកំពូលកម្ពុជា Metfone Cambodian League រដូវកាលថ្មី ២០១៩ ក្នុងជំនួបនៃសប្ដាហ៍ទី ១៦ រវាង វិសាខា និង ភ្នំពេញក្រោន កាលពីថ្ងៃអាទិត្យម្សិលមិញនេះ វិសាខា បានយកឈ្នះម្ចាស់ជើងឯក ៦សម័យកាល ភ្នំពេញក្រោន ៤-៣ នៅឯកីឡដ្ឋានវិសាខា។
ការប្រកួតនេះមានភាពក្ដៅគគុកខ្លាំងនៅលើទីលាន ដោយសារក្រុមទាំងពីរសុទ្ធសឹងជាក្រុមខ្លាំងក្នុងលីគ នាំឱ្យការប្រកួតមានការសម្រុកគ្នាលឿន និងកើនគ្រាប់បាល់រហូតដល់ទៅ ៧គ្រាប់។ ៤គ្រាប់របស់ វិសាខា រកបានដោយកីឡាករ Ajayi Opeyemi Korede ២គ្រាប់, Da Cruz ១គ្រាប់ និង ស៊ិន កក្កដា ១គ្រាប់ ខណៈ ៣ គ្រាប់របស់ភ្នំពេញក្រោន រកបានដោយកីឡាករបរទេសទាំង៣ ពោលគឺ Mustafa Zazai ១គ្រាប់, Paulo Victor ១គ្រាប់ និង Dzarma Bata ១គ្រាប់។
អ្វីដែលពិសេសសម្រាប់ការប្រកួតមួយនេះ គឺមានអ្នកគាំទ្រចូលរួមទស្សនារហូតដល់ ៥ ៥០០នាក់ ពោលគឺពេញកីឡដ្ឋានរបស់វិសាខាតែម្ដង ដែលនេះជាចំនួនមួយដែលច្រើនមិនធ្លាប់មានសម្រាប់រដូវកាល ២០១៩ នេះ។
ចង់ដឹងថាកាប្រកួតនោះ ល្អមើលជក់ចិត្តកម្រិតណា ទៅទស្សនាវីដេអូខាងក្រោមទាំងអស់គ្នា!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
