ប្អូនប្រុស ចាន់ សុបញ្ញា ត្រូវគេថា សម្លេងខុសពីអាយុដាច់ ទាល់ស្តាប់បានដឹង! (មានវីដេអូ)

ភ្នំពេញ៖ ជឿជាក់ថាមានប្រិយមិត្តជាច្រើន បានជ្រាបរួចមកហើយជាមួយនឹងកម្មវិធីបញ្ចេញសមត្ថភាពចម្រៀង X Factor Cambodia ដែលជាកម្មវិធីលំដាប់ពិភពលោក ដែលទូរទស្សន៍ រស្មីហង្សមាស ទទួលបានសិទ្ធិផលិត ដោយមានការចូលរួមដាក់ពាក្យបេក្ខជនច្រើនមែនទែន។

ក្នុងនោះផងដែរ ពីមួយសប្ដាហ៍ទៅមួយសប្ដាហ៍ គេសង្កេតឃើញមានបេក្ខជន បេក្ខនារីមានសមត្ថភាពជាច្រើនបានលេចមុខលើឆាក X Factor Cambodia ធ្វើឲ្យមានការចាប់អារម្មណ៍ខ្លាំងមែនទែន។

ជាក់ស្ដែង កាលពីយប់មិញនេះ ប្អូនប្រុស ចាន់ សុបញ្ញា ដែលមានវ័យ១៤ឆ្នាំ មកពីខេត្តកំព់ងចាម បានបកស្រាយបទចម្រៀងមួយបទ ដែលមានចំណងជើងថា៖«ខូចចិត្តត្បិតព្រាត់អូន» ជាមួយនឹងសំឡេងខុសវ័យរបស់ខ្លួន ធ្វើឲ្យទស្សនិកជន និងគណកម្មការទាំង៤នាក់ ស្ដាប់ចប់ព្រឺសម្បុរ និងលាន់មាត់សរសើរគ្រប់គ្នាតែម្ដង។

គួរឲ្យដឹងផងដែរថា ដោយការបកស្រាយរបស់ប្អូនប្រុស ចាន់ សុបញ្ញា ពីរោះខ្លាំងធ្វើឲ្យគណកម្មការទាំង៤ បានឆ្លើយ «Yes»ដោយមិនគិតយូររហូតដល់ ប្អូនប្រុសរំភើបខ្លាំងស្រក់ទឹកភ្នែកដោយមិនត្រៀមជាមុន៕

កុំឲ្យខាត់ពេលយូរ! តោះទៅទស្សនាវីដេអូទាំងអស់គ្នា៖  

• ជំរុញទឹកចិត្ត
• វីដេអូ