អេស្ប៉ាញ៖ អ្នកចាត់ការទូទៅក្លិបយក្សអេស្ប៉ាញ Real Madrid លោក Zinedine Zidane បានឲ្យដឹងថាខ្សែប្រយុទ្ធ Gareth Bale អាចនឹងចាកចេញពីក្លិបក្នុងរយៈពេលប៉ុន្មានថ្ងៃខាងមុខនេះ។
អ្នកចាត់ការទូទៅសញ្ជាតិបារាំងលោក Zinedne Zidane បាននិយាយថា Gareth Bale កំពុងតែមានភាគរយខ្ពស់ខ្លាំងក្នុងការចាកចេញពី Real Madrid បន្ទាប់ពីរូបគេខកខាន មិនបានចូលលេងពានរង្វាន់ International Champions Cup តទល់នឹង Bayern Munich កាលពីព្រឹកមិញនេះ ដោយលទ្ធផល Real Madrid បានចាញ់ Bayern Munich ៣-១។
ឆ្លើយសំណួររបស់អ្នកកាសែតជុំវិញការមិនចូលលេងរបស់ Bale លោក Zidane បានមានប្រសាសន៍ថា “Bale មិនបានចូលលេង ព្រោះតែគេជិតនឹងចាកចេញហើយ។”
“ពួកយើងសង្ឃឹមថាគេនឹងចាកចេញបានលឿន ដែលវានឹងល្អសម្រាប់ទាំងអស់គ្នា។ ពួកយើងកំពុងតែធ្វើការផ្ទេររូបគេទៅកាន់ក្លិបថ្មី។ ខ្ញុំមិនមានរឿងផ្ទាល់ខ្លួនអ្វីជាមួយគេទេ ការចាកចេញគឺជាការសម្រេចចិត្តរបស់គ្រូបង្វឹក ហើយក៏មានចំណែកពីកីឡាករផងដែរ, ពួកយើងយល់អំពីស្ថានភាពមួយនេះ។” លោក Zidane បន្ត៕
ប្រភព៖ Fox Sports Asia
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
