ចិន៖ ផ្ទុះការភ្ញាក់ផ្អើល ក្រោយក្មេងស្រីអាយុ ៦ឆ្នាំម្នាក់ ត្រូវបានបងជីដូនមួយវាយរហូតដល់ស្លាប់ ខណៈពេលកំពុងតែប្រលែងគ្នាលេង។
យោងតាមប្រភពបានឱ្យដឹងថា កុមារីជាជនរងគ្រោះឈ្មោះ លី (Li) អាយុ ៦ឆ្នាំ រស់នៅក្នុងប្រទេសចិន។
មុនពេលកើតឡើង ក្រុមគ្រួសារជនរងគ្រោះ បាននិយាយថា កូនស្រីរបស់គាត់បានចេញទៅលេងនៅខាងក្រៅជាមួយបងជីដូនមួយគេ កាលពីថ្ងៃទី១៣ ខែកក្កដា កន្លងទៅនេះ។ ប៉ុន្តែអាលីពុំបានត្រលប់មកផ្ទះវិញទេ។
ក្រោយមក ក្រុមគ្រួសារជនរងគ្រោះក៏បានប្តឹងប៉ូលិសឱ្យជួយស្វែងរកកូនស្រីរបស់គាត់។ នៅថ្ងៃបន្ទាប់ ប៉ូលិសក៏បានរកឃើញសាកសពជនរងគ្រោះនៅក្នុងថង់ ចោលនៅក្បែរផ្ទះជនបង្ក។
ឆ្លងកាត់ការត្រួតពិនិត្យសាកសពរកឃើញថា ជនរងគ្រោះមានរបួសជាច្រើននៅលើខ្នង និង.ក។
បន្ថែមពីនេះទៀត សមត្ថកិច្ចបានបញ្ជាក់ថា ជនរងគ្រោះពិតជាត្រូវបានគេវាយរហូតដល់ស្លាប់ពិតមែន។
ក្រោយមក ប៉ូលិសក៏បានទៅសួរចម្លើយបងជីដូងមួយគេដែលមានអាយុត្រឹមតែ ១២ឆ្នាំតែប៉ុណ្ណោះ។
ក្នុងនោះដែរ យោងតាមចម្លើយសារភាពរបស់បងជីដូនមួយគេបានឱ្យដឹងថា មូលហេតុដែលគេយកបន្ទះឈើវាយអាលី ព្រោះតែគេខ្លាចអាលីភ្ញាក់ឡើងយករឿងដែលគេធ្លាក់ពីលើទោងរអិល យកទៅប្រាប់ឪពុកម្តាយគេ ហើយឪពុកម្តាយគេនឹងស្តីបន្ទាសឱ្យគេ ដូច្នេះបានជាគេ បែកគំនិតល្ងង់ខ្លៅ យកបន្ទះឈើវាយប្អូនជីដូនមួយរហូតដល់ស្លាប់តែម្តង។
យ៉ាងណាមិញ សមត្ថកិច្ចបានចាត់ទុករឿងក្តីនេះជារឿងក្តីឃាតកម្ម ហើយក៏បានបញ្ជាក់ថាក្មេងប្រុសអាយុ ១២ឆ្នាំម្នាក់នេះ ពិតជាបានសម្លាប់ប្អូនជីដូនមួយខ្លួនពិតមែន ប៉ុន្តែព្រោះតែរូបគេនៅវ័យក្មេងពេក ដូច្នេះប៉ូលិសមិនអាចដាក់ទោសគេបាននោះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
