បុរសជនជាតិចិន លោតពីលើអគារកម្ពស់ ៣ជាន់ សម្លាប់ខ្លួន ដោយសារជំពាក់បំណុលគេច្រើនពេក នៅខេត្តពោធិ៍សាត់

(ពោធិ៍សាត់)៖ មានករណីគួរឱ្យភ្ញាក់ផ្អើលមួយដោយបុរសជនជាតិម្នាក់ សម្រេចចិត្តលោតធ្វើអត្តឃាតពីលើអគារជាន់ទី៣ បណ្តាលឱ្យស្លាប់ភ្លាមៗ នៅវេលាម៉ោង៥៖៤៥នាទីព្រឹកថ្ងៃទី១៩ ខែកក្កដា ឆ្នាំ២០១៩នេះ នៅចំណុចអាគារលេខ៨ ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់ ដោយសង្ស័យជំពាក់បំណុលគេច្រើន។

បើតាមរបាយការណ៍បានឱ្យដឹងថា បុរសជនជាតិចិន ដែលសម្រេចចិត្តលោតធ្វើអត្តឃាតខ្លួនឯងនេះ មានឈ្មោះ GONG PHENG អាយុ២២ឆ្នាំ ជនជាតិចិន មុខរបរបុគ្គលិកអនឡាញ ស្នាក់នៅភូមិឃុំខាងលើមូលហេតុសង្ស័យ ជំពាក់លុយគេច្រើន។

តាមស្តាប់ការបំភ្លឺរបស់សាក្សីជាជនជាតិចិនចំនួន០៤នាក់ ដែលដេកក្នុងបន្ទប់ជាមួយគ្នា បានឱ្យដឹងថា កាលពី០៣ ថ្ងៃមុន មានជនជាតិចិន វីឆាតតាមទូរស័ព្ទមកទារលុយតែមិនដឹងចំនួនប៉ុន្មានទេ លុះដល់ថ្ងៃកើតហេតុម៉ោង២៖០០នាទីយប់ ឈ្មោះ GONG PENG បាននិយាយទូរស័ព្ទតាមវីឆាត តែអត់ដឹងនិយាយរឿងអ្វីទេ ប៉ុន្មានម៉ោងក្រោយក៏ធ្វើអត្តឃាតតែម្តង៕

ប្រភព៖ freshnews