ខេត្តកំពត ៖ សេក្តីរាយការណ៍បឋមបានឲ្យដឹងថា កាលពីរសៀលថ្ងៃទី១៧ ខែកក្កដា ឆ្នាំ២០១៩ សមត្ថកិច្ចនគរបាលខេត្តកំពត បានទទួលបណ្តឹងពីស្ត្រីថាជាជនរងគ្រោះម្នាក់ជាជនជាតិអង់គ្លេស មានឈ្មោះ KATHRYN DIANE REAVILL អាយុ២៩ឆ្នាំ លិខិតឆ្លងដែនលេ ខ ៥៥៧៣៤៦១៨៨ ដោយបានចោទប្រកាន់ថា នៅម៉ោងប្រហែល២រសៀលថ្ងៃទី១៦ ខែកក្កដា ឆ្នាំ២០១៩ មានអ្នករត់រ៉ឺម៉កម៉ូតូកង់បីម្នាក់ បានដឹកនាងទៅ កន្លែងស្ងាត់ រួចប៉ុនប៉ងរំលោភសេពសន្ថវៈ នៅចំណុចផ្លូវវាងមួយកន្លែងតាមមាត់សមុទ្រ ម្តុំកោះស្មៅ ស្ថិតក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។
ពាក្យបណ្តឹងរបស់ស្ត្រីជនជាតិអង់គ្លេសនោះ បានបញ្ជាក់ទៀតថា ជនសង្ស័យបានចាប់ឱប ថើប និងយកដៃលូកស្ទាបប្រដាប់ភេទនាង មានចេតនាប៉ុនប៉ង រំលោភសេពសន្ថវៈ ប៉ុន្តែពេលនោះស្ត្រីរងគ្រោះថា នាងបានរើបម្រះ និងធាក់ជនសង្ស័យមួយជើងរួចរត់គេចខ្លួន។
នារីរងគ្រោះបញ្ជាក់ទៀតថា តាមពិតនាងបានឲ្យអ្នករត់ម៉ូតូកង់បី ដឹកទៅផ្ទះដែលខ្លួនស្នាក់នៅ ក្នុងភូមិសំរោង ឃុំជុំគ្រៀល ស្រុកទឺកឈូ ខេត្តកំពតនោះទេ ប៉ុន្តែអ្នករត់រ៉ឺម៉កម៉ូតូនោះ បានដឹកវាងកាច់កុងចុះឡើងទៅរកកន្លែងស្ងាត់ ហើយមានគំនិតទុច្ចរិតប៉ុនប៉ងចាប់រំលោភ។
ក្រោយពីមានពាក្យបណ្តឹងនោះ សមត្ថកិច្ចបានធ្វើការស្រាវជ្រាវ និងតាមរកហៅបុរសនោះ ដើម្បីនាំទៅសាកសួរលើការចោទរបស់ជនរងគ្រោះ លុះល្ងាចថ្ងៃទី១៧ ខែកក្កដា ដដែល ទើបសមត្ថកិច្ចប្រទះឃើញអ្នករត់ម៉ូតូកង់បីនោះ គឺឈ្មោះ ម៉ាត់ អ៊ីសា ភេទប្រុស អាយុ៣៤ឆ្នាំ ជនជាតិខ្មែរឥស្លាម រស់នៅភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត។
នៅចំពោះមុខសមតត្ថកិច្ចជនជាប់សង្ស័យបាន សារភាពថា ខ្លួនពិតជាបានដឹកស្ត្រីជនបរទេសម្នាក់នោះមែន ប៉ុន្តែមិនបានដឹកវាងដូចការចោទប្រកាន់ ហើយក៏មិនបានប៉ុនប៉ងរំលោភសេពសន្ថវៈនាងដែរ នេះគឺជាការមួលបង្កាច់ទាំងស្រុង។
ទោះជាយ៉ាងណាក្តី ក្នុងន័យស្រីប្រកាន់ប្រុសប្រកែក ពាក់ព័ន្ធលើសំណុំរឿងប៉ុនប៉ងរំលោភសេពសន្ថវៈនោះ សមត្ថកិច្ចមិនមែនជាអ្នកកាត់សេចក្តីទេ ដូច្នោះមានតែកសាងសំណុំរឿងបញ្ជូនទៅសាលាដំបូងខេត្ត ដើម្បីប្រគល់ឲ្យតុលាការចាត់ការតាមនីតិវិធី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]