ក្រោយលែងលះ មេម៉ាយកូនមួយក្តៅស្រួយ Yang Mi កាន់តែពូកែលេងខ្លួន ក្មេងស្អាតជាងមុន

ចិន៖ ប្រិយមិត្តដែលនិយមចូលចិត្តតាមដានជីវិតតារាសិល្បៈចិន ប្រាកដជាបានស្គាល់នូវតារាសម្តែងស្រីល្បីឈ្មោះចាស់វស្សា នាង Yang Mi ដែលត្រូវបានគេដឹងថា ចាប់តាំងពីនាង បានសម្រេចចិត្តលះលែងផ្តាច់ចំណងប្តីប្រពន្ធជាមួយនឹង តារាចម្រៀងនិងជាតារាសម្តែងប្រុសល្បីឈ្មោះ លោក Hawick Lau កាលពីចុងឆ្នាំ២០១៨មក គេសង្កេតឃើញថា តារាស្រីកូនមួយរូបនេះ កាន់តែមានសម្រស់ស្រស់ស្អាតជាងមុនទ្វេដងតែម្តង។

គួរឲ្យដឹងថា បច្ចុប្បន្ននេះ តារាសម្តែងស្រី Yang Mi នាងមានវ័យ៣២ឆ្នាំហើយ និងមានកូនស្រីម្នាក់ជាចំណងដៃចុងក្រោយក្រោយលែងលះរបស់នាងផងដែរ ដោយឡែកបើទោះបីជានាងជាប់ឈ្មោះ ជាអ្នកមេម៉ាយកូនមួយយ៉ាងណាក្តី ប៉ុន្តែគេសង្កេតឃើញថា តារាស្រីរូបនេះកាន់តែពូកែលេងខ្លួនជាងមុន ជាពិសេសគឺការស្លៀកសម្លៀកបំពាក់តែម្តង។

ជាការពិតណាស់ រាល់ពេលដែលនាងបង្ហាញខ្លួនៅតាមផ្លូវសាធារណៈ ឬក៏នៅព្រលានយន្តម្តង តារាស្រី Yang Mi តែងតែជ្រើសរើសយកការតុបតែងខ្លួន បែបស្ទាវៗយុវវ័យដែលធ្វើឲ្យនាងមើលទៅកាន់តែក្មេងជាងវ័យ និងស្រស់ស្អាតមួយបែបផងដែរ។

ជាក់ស្តែង រូបថតមិនប៉ុន្មានសន្លឹកនេះរបស់ Yang Mi សុទ្ធសឹងតែជាម៉ូតសម្លៀកបំពាក់ ដែលកំពុងពេញនិយម​ និងទទួលបានការចាប់អារម្មណ៍យ៉ាងច្រើនពីសំណាក់មហាជនផងដែរ៕   

• ម៉ូត
• តារាចិន