កូរ៉េខាងត្បូង៖ រឿងថ្មីដែលមានចំណងជើងថា «Mung Bean Chronicle» របស់ស្ថានីយទូរទស្សន៍KBS កំពុងដំណើរការថតយ៉ាងសកម្ម ដោយមាន Kim So-hyun ជាតួឯកស្រី និងលោកJang Dong Yoonជាតួឯកប្រុស។
ទៀតសោតរឿងទើបតែចាប់ផ្តើមថតមិនទាន់បានប៉ុន្មានផង ស្រាប់តែតួឯកស្រីនាង Kim So-hyun ជួបហេតុការណ៍ធ្លាក់ពីលើខ្នងសេះ នៅថ្ងៃទី១៧ ម្សិលមិញនេះ ខណៈពេលកំពុងថតរឿងផ្ទាល់តែម្តង។
ដំណឹងនេះបានធ្វើឲ្យអ្នកគាំទ្រមានការព្រួយបារម្ភយ៉ាងខ្លាំង រហូតដល់ផលិតកម្ម E&T Story Entertainment ចេញមកបកស្រាយពីអាការៈបស់ Kim So-hyunយ៉ាងដូច្នោះថា៖
« Kim So-hyun ត្រូវបញ្ជូនទៅមន្ទីរពេទ្យដែលនៅជិតកន្លែងកើតហេតុបំផុត ហើយនាងបានទទួលបានការត្រួតពិនិត្យរាងកាយរួចរាល់ហើយ។ សំណាងល្អណាស់នាងមិនមានបញ្ហាធ្ងន់ធ្ងរនោះទេ»។
ក្រោយពីរឿងនេះបានកើតឡើង ក្រុមការងារទាំងអស់សម្រេចចិត្តផ្អាកការថតមួយរយៈ ដើម្បីរៀបចំកាលវិភាគថ្មី និងចាប់ផ្តើមការថតម្តងទៀតក្រោយពេលដែលKim So-hyunជាបានធូរស្រាលឡើងវិញ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
