កូរ៉េខាងត្បូង៖ កាលពីពេលថ្មីៗនេះ តារាស្រីLee Si Young បានធ្វើឲ្យមហាជនទូទៅ មានការភ្ញាក់ផ្អើលយ៉ាងខ្លាំង នៅរូបថតបញ្ចេញសាច់ដុំ នឹងលទ្ធផលនៃការធ្វើ តេស្តលើរាងកាយរបស់នាង ។
ក្នុងថ្ងៃទី១៨ ខែកក្កដា នេះតារាស្រីLee Si Young បានធ្វើការបង្ហោះរូបថត នៃការហាត់ប្រាណយកសាច់ដុំ របស់នាងលើInstagram។ ដែលមើលទៅ ហាក់បីដូចជាតារាស្រីរូបនេះ មានគោលដៅនិងហេតុផលច្បាស់លាស់ ក្នុងការហាត់ប្រាណនេះ បើយោងទៅតាមអត្ថន័យ ដែលនាងបានសរសេររៀបរាប់ ក្នុងInstagram ផ្ទាល់ខ្លួនរបស់នាងនោះ “វាពិតជាលំបាកណាស់ ដើម្បីហាត់យកសាច់ដុំ… មិនដល់២ខែទៀតនោះទេ ខំប្រឹងឡើង ”។
បើតាមលទ្ធផល ដែលតារាស្រីរូបនេះ បានបង្ហាញពីការធ្វើតេស្ត លើរាងការរបស់នាង នោះគឺបាន ធ្វើឲ្យអ្នកគាំទ្រភ្ញាក់ផ្អើលជាថ្មីម្តងទៀត។ លទ្ធផលនោះបានបង្ហាញថា តារាស្រីរូបនេះមានទម្ងន់៥២.៤ គីឡូ កម្ពស់១៦៨សង់ទីម៉ែត្រ ហើយរាងកាយទាំងមូលរបស់នាង មានជាតិខ្លាញ់ត្រឹមតែ១៤.១ ភាគរយប៉ុណ្ណោះ ដែលភាគរយស្តង់ដារគឺ ចាប់ពី១៨ ដល់ ២៨ ភាគរយ។
ក៏ប៉ុន្តែតារាស្រីរូបនេះ ហាក់ដូចជាមិនសូវពេញចិត្ត នៅលទ្ធផលនេះប៉ុន្មាននោះទេ ហើយនាងក៏បានកំណត់គោលដៅ សម្រាប់ខ្លួនឯងថា នាងនឹងបន្តហាត់បន្ថែមទៀតរហូត ដល់រាងកាយរបស់នាង នៅសល់ខ្លាញ់ត្រឹមតែ ៨ភាគរយប៉ុណ្ណោះ។
ស្របជាមួយគ្នានោះ អ្នកនិយមលេងសង្គមInstagram បានចូលទៅបញ្ចេញមតិ សរសើរ ចំពោះការតាំងចិត្តយ៉ាងមុតមាំ របស់នាងជាខ្លាំងហើយពួកគេ ក៏បានបង្ហាញការគាំទ្រយ៉ាងខ្លាំង ដល់តារាស្រីរូបនេះ “ខំប្រឹងឡើង អ្នកធ្វើបានល្អណាស់”៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
