ចិន៖ បច្ចុប្បន្ននេះ បើទោះជាវ័យកាន់តែជ្រេក៏ពិតមែន ក៏ប៉ុន្តែសម្រស់របស់តារាសម្តែងលំដាប់ជួរមុខដ៏ល្បីនាង Zhao Wei ហៅត្រចៀកកាំ នៅតែស្រស់ស្អាត និងក្មេងជាងវ័យដដែល។
ដោយឡែក កាលពីថ្មីៗនេះ នាង Zhao Wei ត្រូវបានក្រុមអ្នកកាសែតប្រមាញ់រូបថតរបស់នាង នៅកន្លែងថតរឿងមួយកន្លែង ក្នុងឈុតសម្លៀកបំពាក់ធម្មតា។ ក៏ប៉ុន្តែអ្វីដែលធ្វើឲ្យពួកគេនឹកស្មានមិនដល់នោះ នាងបានអង្គុយជក់បារីធ្វើព្រងើយ ដែលស្ទើរតែធ្វើឲ្យអ្នកគាំទ្រមិនជឿនឹងភ្នែកនោះទេ។
យ៉ាងណាមិញ សភាពរបស់នាង Zhao Wei នៅពេលនោះ អ្នកគាំទ្រជឿជាក់ថានាងប្រាកដជាកំពុងតែធ្វើជាអ្នកដឹកនាំសម្រាប់ថតខ្សែភាពយន្តថ្មីមួយហើយ ព្រោះថាសភាពរបស់នាងពេលនេះ ហាក់មិនស្រស់ស្រាយ និងស្រស់ស្អាត ដូចនឹងរូបភាពដែលរូបនាងបង្ហោះ និងរូបដែលនាងបង្ហាញមុខនៅក្នុងទស្សនាវដ្តីនោះទេ។
ទោះជាយ៉ាងណាក្តី ទាំងនេះពិតជាធ្វើឲ្យអ្នកគាំទ្រហួសចិត្តយ៉ាងខ្លាំង ព្រោះមិននឹកស្មានថា នាង Zhao Wei គឺតារាជាស្រីស្អាត និងសុភាពម្នាក់ដែរ តែមិននឹកស្មានថានាងចេះជក់បារី បែបនេះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]