បារាំង៖ ក្រោយលេចឮព័ត៌មានពីការចាកចេញរបស់ Neymar ច្រើនពេក ពេលនេះអ្នកចាត់ការទូទៅក្លិបអ្នកមាន នៅបារាំង Paris Saint-Germain លោក Thomas Tuchel បានចេញមុខទទួលស្គាល់ថាខ្សែប្រយុទ្ធឆ្នើម ជម្រើសជាតិប្រេស៊ីល Neymar ពិតជាមានចេតនាក្នុងការចាកចេញពីក្លិបជើងឯកបារាំង នាអំឡុងទីផ្សារដោះដូរកីឡាកររដូវក្ដៅលើកនេះពិតប្រាកដមែន។
និយាយប្រាប់ទៅកាន់បទសម្ភាសន៍មួយ អតីតអ្នកចាត់ការទូទៅលោក Thomas Tuchel បានឲ្យដឹងថា លោកបានដឹងរួចទៅហើយថាអតីតខ្សែប្រយុទ្ធរបស់ Barcelona កីឡាករ Neymar កំពុងតែស្ថិតនៅក្នុងភាពមិននឹងនរជាមួយក្លិប ចំពោះអនាគតរបស់គេ។
“ខ្ញុំបានដឹងរួចទៅហើយ ថាគេចង់ចាកចេញតាំងពីមុន Copa America មកម្ល៉េះ, ប៉ុន្តែនេះគឺជារឿងរវាងក្លិប និង Neymar។” លោក Tuchel ប្រាប់ទៅកាន់ RMC Sports។
គួរបញ្ជាក់ផងដែរថា ពេលនេះអនាគតរបស់កំពូលខ្សែប្រយុទ្ធជួរមុខលំដាប់ពិភពលោក Neymar កំពុងតែស្ថិតនៅក្នុងស្ថានភាពក្ដៅ ក្រោយរូបគេបានប្រាប់ទៅកាន់នាយកប្រតិបត្តិក្លិប PSG កាលពីថ្ងៃច័ន្ទថា រូបគេចង់ចាកចេញពីក្លិប៕
ប្រភព៖ Marca
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
