ចូលរួមអបអរផង! រៀបការទើបបាន២ខែ ពេលនេះ លីឈី ក្លាយជាម្តាយគេហើយ!

ភ្នំពេញ៖ ប្រិយមិត្តជាច្រើនប្រាកដជាបានជ្រាប ក្រោយរៀបការរួចឃើញថាតារាសម្តែងស្រីដ៏មានរូបឆោមស្រស់ស្អាត អ្នកនាងលីឈី កាន់តែមានសន្ទុះក្នុងការគាំទ្រខ្លាំង តាមរយៈខ្សែវីដេអូជាច្រើនបែបកំប្លែង ស្វីតៗរបស់នាងជាមួយនឹងស្វាមី នៅលើបណ្តាញសង្គម។

មកទល់នឹងពេលនេះរយៈ២ខែមកហើយ ដែលតារាស្រីរូបនេះ និងស្វាមីបានចាប់ដៃគ្នារៀបការ តែពេលនេះ ក៏ស្រាប់តែទទួលបានដំណឹងល្អភ្លាមៗ ធ្វើឲ្យអ្នកគាំទ្រពិតជាភ្ញាក់ផ្អើល ក្រោយនាងកំពុងតែនឹងត្រៀមក្លាយ ទៅជាម្តាយគេនៅក្នុងពេលឆាប់ៗខាងមុខនេះ។

ដំណឹងដ៏ល្អមួយនេះ បានធ្វើឲ្យគូស្វាមីភរិយា ដែលស្វីតខ្លាំងនៅលើបណ្តាញសង្គមនេះ បានបង្ហាញអារម្មណ៍រំភើបយ៉ាងខ្លាំង ដែលទទួលបាននូវកាដូពិសេសយ៉ាងគួរឲ្យត្រៀកអរមួយនេះយ៉ាងដូច្នោះ។

មិនត្រឹមតែប៉ុណ្ណោះ បណ្តាអ្នកគាំទ្រជាច្រើន ពិតជារំភើបជំនួសពួកគេ ថែមទាំងបាននាំគ្នាចូលរូមអបអរទៅកាន់អ្នកទាំង២ ក្រោយទទួលបានបំណងប្រាថ្នាបង្កើតកូនជាមួយគ្នា ក្រោយរៀបការបែបនេះ៕

សូមទស្សនារូបភាពខាងក្រោមនេះ៖

• លី ឈី
• តារាខ្មែរ