បារាំង៖ យោងតាមសារព័ត៌មាន Sky Sports កំពូលខ្សែប្រយុទ្ធលំដាប់ពិភពលោក Neymar បានសុំក្លិបអ្នកមាននៅបារាំង Paris Saint-Germain ចាកចេញ បន្ទាប់ពីបានជួបពិភាក្សាជាមួយនាយកប្រតិបត្តិក្លិប លោក Leonardo កាលពីថ្ងៃច័ន្ទ។
ពេលនេះអនាគតរបស់ខ្សែប្រយុទ្ធជម្រើសជាតិប្រេស៊ីល Neymar កំពុងតែស្ថិតនៅក្នុងភាពស្រពិចស្រពិល ក្រោយរូបគេបានប្រាប់ទៅនាយកប្រតិបត្តិរបស់ក្លិប PSG ថាគេចង់ចាកចេញ ប៉ុន្តេ PSG ចង់ឲ្យខ្សែប្រយុទ្ធសម្បូរប្រជាប្រិយភាពកែប្រែចិត្តគំនិតក្នុងការចង់ចាកចេញពីក្លិប។
យ៉ាងណាមិញ អតីតខ្សែប្រយុទ្ធរបស់ក្លិបអ្នកមានបុណ្យ Barcelona កីឡាករ Neymar មិនបានប្រាប់ថាគេនឹងទៅ ចូលរួមជាមួយក្លិបណាមួយនោះទេ ប៉ុន្តែគេជឿថាភាគរយច្រើន Neymar នឹងទៅចូលរួមជាថ្មីជាមួយក្លិបមានមូលដ្ឋាននៅតំបន់កាតាឡាន់ Barcelona។
ជុំវិញបញ្ហានេះ ក្លិប Barcelona ដែលទើបនាំចូលកំពូលខ្សែប្រយុទ្ធជម្រើសជាតិបារាំង Antonie Greizmann មិនទាន់បានចរចាជាផ្លូវការជាមួយ PSG ក្នុងការនាំយក Neymar នោះឡើយ ប៉ុន្តែបើតាមសារព័ត៌មានជាច្រើនធ្លាប់បានចុះផ្សាយថា ក្លិប PSG ចង់បានកីឡាករប្ដូរពី Barcelona បូករួមជាមួយទឹកប្រាក់ ជាស្នូលក្នុងការនាំយកខ្សែប្រយុទ្ធ Neymar ទៅកាន់ទឹកដីអេស្ប៉ាញវិញ។
គួរបញ្ជាក់ដែរថា ពេលនេះក្លិប PSG កំពុងតែហ្វឹកហាត់ និងប្រកួតមិត្តភាពសម្រាប់តៀមរដូវកាលថ្មី នៅឯប្រទេសអាល្លឺម៉ង់ ខណៈការបោះជុំរំហ្វឹកហាត់ថ្ងៃដំបូងមិនមានវត្តមានខ្សែប្រយុទ្ធ Neymar ចូលរួមនោះទេ៕
ប្រភព៖ All Football
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]