ថៃ៖ ទីបំផុតតារាសម្តែងប្រុសវ័យក្មេងNickkun Kunatip ដាច់ចិត្តនិយាយពីទំនាក់ទំនងរវាងលោកនិងតារាសម្តែងស្រី Tangmoហើយ ក្រោយពួកគេទាំងពីរបង្ហាញភាពផ្អែមល្ហែមជាមួយញឹកញាប់នៅក្នុងបណ្តាញសង្គម រហូតធ្វើឲ្យហ្វេនៗសង្ស័យថា តើពួកគេទាំងពីរមានទំនាក់ទំនងពិសេសជាមួយគ្នាឬយ៉ាងណា?
ជាក់ស្តែងចំពោះរឿងនេះNickkunបានបកស្រាយថា «ពួកយើងជាជិតខាងនឹងគ្នាតែប៉ុណ្ណោះ គ្រាន់តែឧស្សាហ៍ទៅរក ហើយញ៉ាំអីជាមួយគ្នាធម្មតា។សម្រាប់ពេលនេះខ្ញុំជិតសិទ្ធនឹងបងTangmoខ្លាំងជាងគេ។ ប្រសិនបើសួរថាទៅថ្ងៃមុខទំនាក់ទំនងនេះវិវត្តន៍ឬទេ? ខ្ញុំគិតថាប្រហែលជាអាច»។
ក្រៅពីនេះហ្វេនៗសង្កេតឃើញNickkun និងTangmoធ្លាប់បណ្តើរគ្នាទៅទីសាធារណៈ ថែមទៀតផង។ ប៉ុន្តែលោកបានឆ្លើយថា ពេលនោះពួកគេគឺទៅដើរលេងនៅប្រទេសសឹង្ហបុរីជាមួយគ្នា ហើយរូបដែលគ្រប់គ្នាបានឃើញ គឺមិត្តភក្តិជាអ្នកថតឲ្យតែប៉ុណ្ណោះ។
ដោយឡែកទោះបីជាNickkunបានបកស្រាយក៏ពិតមែន ប៉ុន្តែអ្នកគាំទ្រនៅតែមិនអស់ចម្ងល់ ព្រោះរូបថតគូកន្លងមករបស់ពួកគេទាំងពីរពិតជាស្និទ្ធស្នាលខ្លាំង លើសពីពាក្យថាមិត្តភក្តិ និងអ្នកជិតខាង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
