ភ្នំពេញ៖ បើនិយាយពីរឿងថែរក្សាសម្រស់ឲ្យនៅតែក្មេងជាងវ័យ កំពូលតារាចម្រៀងមកពីផលិតកម្មរស្មីហង្សមាស អ្នកនាង សុគន្ធ និសា ច្បាស់ជាត្រូវបានមហាជនលើកយកមកនិយាយមុនគេហើយ ព្រោះមហាជនសុទ្ធតែដឹងថា តារាចម្រៀងរូបនេះពិតជាពូកែថែសម្រស់ ឲ្យនៅតែស្រស់ស្អាត និងក្មេងជាងវ័យខ្លាំងមែនទែន។
យ៉ាងណាមិញ កាលពីថ្មីៗនេះ ស្រាប់តែអ្នកនាង សុគន្ធ និសា បានបង្កការភ្ញាក់ផ្អើលដល់អ្នកគាំទ្រខ្លាំងមែនទែន ក្រោយឃើញផេកហ្វេសប៊ុកអ្នកគាំទ្ររបស់នាង បង្ហោះរូបមួយសន្លឹក ដោយភ្ជាប់ជាមួយCaption ឲ្យអ្នកគាំទ្រទាយអាយុតារាស្រីរូបនេះ ដែលធ្វើឲ្យអ្នកគាំទ្រស្រឡាំងកាំងយ៉ាងខ្លាំង។
ផ្អែកលើរូបថតមួយសន្លឹកនោះដែរ បានធ្វើឲ្យអ្នកគាំទ្រនាំគ្នាលាន់មាត់សរសើរថា សម្រាប់រូបភាពមួយសន្លឹកនេះ ពិតជាធ្វើឲ្យពួកគេពិបាកនឹងទាយអាយុពិតរបស់នាងខ្លាំងណាស់ ហើយបើសិនជាមិនដឹងថ្ងៃខែឆ្នាំកំណើតពិតរបស់នាងទេនោះ អ្នកគាំទ្រប្រាកដជាគិតថានាងទើបតែមានអាយុ ត្រឹម ២០ក្រាស់ ឬជិត៣០តែប៉ុណ្ណោះ។ ហើយទាំងនេះ នៅតែជាមន្ទិលសង្ស័យរបស់អ្នកគាំទ្រ ដែលចង់ដឹងពីអាថកំបាំងនៃការថែសម្រស់របស់នាង ព្រោះថាឆ្នាំនេះ អាយុពិតរបស់អ្នកនាង សុគន្ធ និសា គឺ៣៦ឆ្នាំហើយ។
ដូច្នេះហើយ ប្រិយមិត្តអ្នកអានតោះសាកទាយអាយុរបស់ អ្នកនាង សុគន្ធ និសា សាកទៅមើល បើសិនជាត្រឹមឲ្យមើលរូបតែមួយសន្លឹកនេះ ថាតើប្រិយមិត្តគិតថាឆ្នាំនេះ អ្នកនាង សុគន្ធ និសា មានអាយុប៉ុន្មានហើយ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]