អេស្ប៉ាញ៖ កីឡាករចំណូលថ្មីរបស់ក្លិបយក្សអេស្ប៉ាញ Real Madrid ខ្សែប្រយុទ្ធជប៉ុន Takefusa Kubo បានទម្លាយថាគេគឺជាអ្នកគាំទ្រម្នាក់របស់រៀមច្បងក្នុងក្រុម Eden Hazard ហើយថែមទាំងបាននិយាយទៀតថា គេអភិវឌ្ឍខ្លួនតាមរយៈការមើលការលេងរបស់ Hazard ក្នុង YouTube។
អតីតកីឡាករលេចធ្លោរបស់ FC Tokyo និងជាយុវជនរបស់ក្លិបអ្នកមានបុណ្យ Barcelona បានសម្រេចចិត្តមកចូលរួមជាមួយ Real Madrid បើទោះបីជាទទួលបានការចាប់អារម្មណ៍ពី Barcelona ដែលជាទីរូបគេហ្វឹកហាត់ពីក្មេងក៏ដោយ។
អំឡុងពេលហ្វឹកហាត់ត្រៀមរដូវកាលថ្មី (Pre-Season) របស់ Real Madrid ខ្សែប្រយុទ្ធវ័យ ១៨ឆ្នាំរូបនេះ បានចូលរួមហ្វឹកហាត់ជាមួយមិត្តរួមក្រុមថ្មីក្រោយផ្លាស់មកពីជប៉ុន។ និយាយប្រាប់ Hazard អំឡុងពេលហ្វឹកហាត់ Kubo ថាគេធ្លាប់មើលវីដេអូនៃការលេងរបស់ Hazard នៅក្នុង YouTube ហើយព្យាយាម ហ្វឹកហាត់ និងរៀនសូត្រតាមដើម្បីឲ្យក្លាយជាកំពូលកីឡាករមួយរូប៕
ចង់ដឹងថា Kubo និយាយប្រាប់ Hazard យ៉ាងណានោះទៅទស្សនាវីដេអូខាងក្រោមទាំងអស់គ្នា!!
ប្រភព៖ Fox Sport Asia
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
