ថៃ៖ គូស្នេហ៍វ័យក្មេងរវាងតារាសម្តែងប្រុសPeach Pachara និងតារាសម្តែងស្រីPatricia Good បានបណ្តើរគ្នាយ៉ាងផ្អែមល្ហែម ចូលរួមក្នុងកម្មវិធីសម្ពោធផលិតផលម៉ាកល្បីមួយ។ នៅក្នុងនោះពួកគេទាំងពីរ ថែមទាំងបានបង្ហាញពីអារម្មណ៍សប្បាយរីករាយយ៉ាងខ្លាំង ព្រោះយូរៗទើបមានឱកាសធ្វើការងាររួមគ្នាម្តង។
ប៉ុន្តែបើក្រៅពីការងារជាផ្លូវការវិញឃើញថា គូស្នេហ៍មួយគូនេះតែងតែនាំគ្នាធ្វើដំណើរទៅក្រៅប្រទេសជាញឹកញាប់ យ៉ាងរ៉ូមែនទិក។ ទោះបីជាស្នេហាកាន់តែផ្អែមល្ហែមពីមួយថ្ងៃទៅមួយថ្ងៃក៏ពិតមែន ប៉ុន្តែPeach និង Patមិនទាន់មានគម្រោងគិតគូវែងឆ្ងាយដល់រឿងរៀបការសាងគ្រួសារនៅឡើយទេ។
ទៀតសោតដោយអាយុនៅក្មេង ពួកគេទាំងពីរបែរជាមានគម្រោងនាំគ្នាទៅរៀនបន្តនៅក្រៅប្រទេសទៅវិញ។ ទាក់ទងនឹងរឿងនេះ Peachបានរៀបរាប់លម្អិតបន្ថែមទៀតថា៖
«រឿងទៅរៀននៅបរទេសយើង នៅមិនទាន់បានរៀបចំឯកសាររួចរាល់នៅឡើយទេ ខាងមហាវិទ្យាល័យ នឹងបើកឲ្យដាក់ពាក្យនៅខែកញ្ញានេះ ហើយខ្ញុំក៏បានតាំងចិត្តថានឹងដាក់ពាក្យឲ្យទាន់ខែកញ្ញានេះដូចគ្នា ប្រសិនបើយឺតប្រហែលជាខ្ញុំមិនទៅទេ។
ចំណែកឯPatវិញ ក៏ទៅឆ្នាំក្រោយដូចគ្នា គឺត្រូវប្រលងនៅក្នុងខែកញ្ញានេះ បើប្រលងជាប់គឺទៅរៀនឆ្នាំក្រោយ។ យើងមិនបានរៀនថ្នាក់ជាមួយគ្នាទេ ព្រោះជ្រើសរើសមុខវិជ្ជាផ្សេងគ្នា តែស្ថិតនៅក្នុងប្រទេសអង់គ្លេសតែមួយ អញ្ចឹងទៅណាទៅណីងាយស្រួល»។
យ៉ាងណាមិញអ្នកគាំទ្រសរសើរពីគំនិតរបស់ពួកគេទាំងពីរ ដែលចេះមានគម្រោងនាំគ្នាទៅរៀន និងស្វែងរកអ្វីថ្មីៗ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]