រាងក៏ដូច ហើយលេងស្ទីលបែបនេះទៀត អ្នកណាក៏ច្រឡំYang Mi ថា Jennie ដែរ!

ចិន៖ កាលពីម្សិលមិញនេះ តារាសម្តែងស្រីកូនមួយ នាង​Yang Mi បានបង្ហាញខ្លួនជាថ្មី នៅក្នុងព្រលានយន្តហោះ សៀងហៃ ជាមួយនឹងការតែងខ្លួន ខុសពីសព្វដងដាច់តែម្តង។

ជាមួយគ្នានោះដែរ តារាស្រីសាច់ចាំរូបនេះ បានលេងខ្លួន បែបយុវវ័យខ្លាំង ដោយនាងពាក់អាវខ្លីខើចបញ្ចេញក្បាលពោះ ជាមួយនឹងខោវែងរលុងៗ ដែលជាម៉ូតខោកំពុងតែពេញនិយមនាពេលបច្ចុប្បន្ន។ ជាពិសេស នាងក៏បានពាក់មួក និងពាក់ម៉ាស់ឡើងជិត ឃើញតែរង្វង់ភ្នែកតែប៉ុណ្ណោះ ដែលភាគច្រើន​នាងតែងតែ ពាក់ម៉ាស់ជានិច្ច រាល់ពេលនៅក្នុងព្រលានយន្តហោះ។

ក្រោយពីបានឃើញនូវរូបសម្រស់របស់ នាងហើយ ហ្វេនជាច្រើន បាននិយាយថា​ ស្ទាយ៍លេងខ្លួន រូបរាង​ កម្ពស់ ទម្ងន់ របស់Yang Mi មើលយូរៗទៅ ពិតជាដូច Jennie សមាជិកក្រុម Blackpink ខ្លាំងណាស់ គ្មានខុសគ្នាបន្តិចសោះ។

យ៉ាងណាមិញ នេះមិនមែនលើកទីមួយនោះទេ ដែលគ្រប់គ្នា និយាយបែបនេះ ក៏ព្រោះតែស្ទីលលេងខ្លួន របស់អ្នកទាំងពីរ ស្រដៀងគ្នា ហើយគួបផ្សំ នឹងរាងបែបនេះទៀត កាន់តែដូចគ្នាបេះដាក់៕

បើមិនជឿទៅមើល ទាំងអស់គ្នា៖

• តារាចិន