ខេត្តកណ្តាល ៖ សេចក្តីរាយការណ៍បឋមបានឲ្យដឹងថា គួរអោយអាណិតណាស់ គ្រួសារមួយត្រូវបានភ្លើងឆាបឆេះផ្ទះខ្ទេចគ្មានសល់ អកុសលអាក្រក់ឆក់យកជីវិតប្រពន្ធ ទុកប្តីអោយរងរបួសធ្ងន់ កំពុងដេកលង់លក់ក្នុងដំណេក ដែលហេតុការណ៍គួរអោយភ្ញាក់ផ្អើលនេះ បានកើតឡើងនៅវេលាម៉ោង០២និង៤០នាទីថ្ងៃទី១៤ ខែកក្កដានេះ នៅចំណុចផ្ទះ ឈ្មោះ វ៉េង វិរៈ ភេទ ប្រុស អាយុ៣០ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល ។
សេចក្តីរាយការណ៍បន្តថា សម្ភារខូចខាត និងបាត់បង់រួមមាន ផ្ទះចំនួន០១ខ្នង ទំហំ០៩ម៉ែត្រទទឹង៥ម៉ែត្រ ធ្វើពីថ្មប្រក់ស័ង្កសី ខូចខាត៥០% ពួក ខ្នើយ ខោអាវ ទូដាក់ខោអាវ ។ ជនរងគ្រោះទី០១-ឈ្មោះ ហាន ស្រីមុំ ភេទស្រី អាយុ៣៣ឆ្នាំ នៅភូមិពោធិក្រោម ខេត្តកណ្តាល ( ស្លាប់នៅកន្លែងកើតហេតុ)ប្រពន្ធ ទី០២- ឈ្មោះ វ៉េង វិរៈ ភេទប្រុស អាយុ៣០ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល ត្រូវជាប្តី (រងរបួសធ្ងន់) ។
នៅមុនពេលកើតហេតុ ឈ្មោះ វ៉េង វិរៈ ជាប្តី និងឈ្មោះ ហានស្រីមុំ បានដេកនៅក្នុងបន្ទប់ឡៅតឿ ក្នុងផ្ទះដូចរាល់ដង ។ លុះដល់ម៉ោងកើតហេតុ ស្រាប់តែមានភ្លើងឆាបឆេះក្នុងបន្ទប់កន្លែងដេក បណ្តាលអោយឈ្មោះ ហានស្រីមុំ (ស្លាប់)នៅកន្លែងដេក និងឈ្មោះ វ៉េង វិរៈររបួសធ្ងន់ បញ្ជូនទៅមន្ទីរពេទ្យភ្នំពេញ ។
ពេលនោះមានប្រជាពលរដ្ឋដែលមានផ្ទះនៅជិតខាងបាននាំគ្នាមកជួយពន្លត់ភ្លើង ដែលកំពុងឆេះនោះបានរលត់ទៅវិញ ។ ក្រោពីបានទទួលព័ត៌មានកម្លាំងនគរបាលប៉ុស្តិ៍ និងកម្លាំងជំនាញស្រុកបានចុះដល់កន្លែងកើតហេតុជួយអន្តរាគមន៍ និងពន្លត់ភ្លើង ៕ កែសម្រួលដោយ ៖ សុឃាក់
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]