អាមេរិក៖ ខ្សែភាពយន្តដ៏ល្បី«Maleficent 2» បានវិលត្រឡប់មកវិញហើយ ជាមួយឈុតឆាកកាន់តែពិសេស ដែលនឹងត្រៀមចាក់បញ្ចាំងនៅ ថ្ងៃទី១៨ ខែតុលា ខាងមុខឆាប់ៗនេះហើយ។
ស្របតាមការទន្ទឹងរង់ចាំរបស់អ្នកទស្សនា Angelina Jolie បានបង្ហាញខ្លួនជាថ្មីក្នុងខ្សែភាពយន្ត«Maleficent 2» ដែលការត្រឡប់មកវិញក្នុងភាគ២នេះ គឺកាន់តែសាហាវជាងវគ្គមួយទៅទៀត។ កាលពីពេលថ្មីៗនេះ តារាស្រីAngelina Jolie បានបង្ហោះTrailer ផ្លូវការខ្លីមួយ ដែលមានរយៈពេល២នាទីនិង១៧វិនាទី ក្នុងInstagram ផ្លូវការរបស់ខ្លួនផងដែរ។ ចំណែកសន្ទុះនៃអ្នកចូលទស្សនា កើនឡើងរហូតដល់៥លាននាក់ ក្នុងរយៈពេលមិនដល់២៤ម៉ោងផង។
គួរបញ្ជាក់ផងដែរថា ភាពយន្ត«Maleficent» ត្រូវបានដកស្រង់ចេញពីរឿងព្រេងតុក្តា«Sleeping Beauty» ដែលបានរៀបរៀងឡើងដោយអ្នកនិពន្ធCharles Perrault ។ ហើយត្រូវបានយកមកផលិត ជាប្រភេទ(Live Action) សកម្មភាពរបស់មនុស្សវិញ។
«Maleficent» ភាគមួយត្រូវបានផលិត នឹងចាក់បញ្ចាំង ម្តងរួចមកហើយកាលពីឆ្នាំ២០១៤ ដែលមានរយៈពេល៩៧នាទី ចំណាយអស់១៨០-២៦៣លានដុល្លារ និងរកចំណូលបានរហួតដល់៧៥៨.៥លានដុល្លារ នៅទូទាំងពិភពលោក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
