សណ្ឋាគារចល័ត ដែលមានរាងដូចជាសត្វគោដ៏រ៉ូមែនទិក

នៅឯប្រទេស Belgium ភាគខាងលិចនៃទ្វីបអឺរ៉ុប បានបង្កើតនូវសណ្ឋាគារដ៏ចំលែកមួយ ដែលពំុធ្លាប់បានឃើញពីមុនមក ហើយនៅក្នុងសណ្ឋាគារមួយនោះ មានរបស់ជាច្រើនដែលគួរឲ្យចាប់អារម្មណ៍។

នៅតំបន់នោះមានឈ្មោះថា La Balade Des Gnomes ទីក្រុង Durbuy ប្រទេស Belgium។ ភ្ញៀវទេសចរដែលបានស្នាក់នៅ ក្នុងនេះហើយពិតជាមិនខកបំណងជាដាច់ខាត ព្រោះវាហាក់ដូចជានៅក្នុងពិភពនៃក្ដីស្រមៃមួយអញ្ចឹង។ យោងតាមប្រភពព័ត៌មាន បានឲ្យដឹងថា នៅក្នុងបន្ទប់គេងរបស់សណ្ឋាគារនោះ គឺមានលក្ខណៈពិេសសដែល រៀបចំដូចទៅនឹងយានអាវកាស និងលំហផ្កាយដ៏ស្រស់ស្អាត។ លោក Noel ដែលជាអ្នកស្ថាបនាមួយរួបមានប្រសាសន៍ថា អ្នកដែលអាចបង្កើតសណ្ឋាគារនេះឡើង គឺជាមនុស្សដែលមានការចាប់អារម្មណ៍នឹងធម្មជាតិជាទីបំផុត ព្រោះវាបានបង្កើតឡើងដោយ របស់ធម្មជាតិ១០០ភាគរយ និងសំភារៈប្រើប្រាស់មានលក្ខណៈបុរាណ។

បន្ទប់សណ្ឋាគារមួយយប់មានតម្លៃពី ៧៧ដុល្លារ ទៅ ១៩៥ដុល្លារអាមេរិក ក្នុងមួយយប់ ហើយនឹងធានាថាភ្ញៀវដែលបានចូលមក គេងនឹងមានអារម្មណ៍រំជួលចិត្ត ហើយនឹងចង់មកស្នាក់នៅលើកក្រោយទៀតជាមិនខាន។

តើប្រិយមិត្តយល់យ៉ាងណាចំពោះ សណ្ឋាគារដ៏ចំលែងមួយនេះ? សូមទស្សនារូបភាពខាងក្រោម៖

កែសម្រួលដោយ អៀង

ខ្មែរឡូត