ថៃ៖ មួយរយៈក្រោយនេះប្រិយមិត្តប្រាកដជាឃើញថា តារាសម្តែងស្រី Pimtdao និងតារាសម្តែងប្រុសរូបសង្ហា Porshe បង្ហាញពីស្នេហាយ៉ាងស្អិតរមួតនៅលើបណ្តាញសង្គម ធ្វើឲ្យអ្នកគាំទ្រឃើញហើយលួចច្រណែនគ្រប់គ្នា។
ឃើញតែស្នាមញញឹម និងក្តីសុខប៉ុន្តែអ្នករាល់គ្នាមិនដឹងទេថា នាងធ្លាប់ឆ្លងកាត់រឿងរ៉ាវលំបាកអ្វីខ្លះ ទើបអាចមកជួបបុរសល្អដែលអាចមើលថែនាងបានដូចសព្វថ្ងៃនេះ។
ដោយ Pimtdao បានចូលរួមជាភ្ញៀវកិត្តិយសនៅក្នុងកម្មវិធីមួយ។ ក្នុងនោះនាងបានរៀបរាប់ប្រវត្តិស្នេហាកាលពីមុនដ៏ជូរចត់យ៉ាងដូច្នេះថា នាងធ្លាប់ទាក់ទងជាមួយតួឯកប្រុសល្បីឈ្មោះម្នាក់ ដែលថតរឿងជាមួយគ្នារយៈពេលជិត២ឆ្នាំ។ ប៉ុន្តែតារាប្រុសរូបនោះមិនយល់ព្រមបើកចំហទំនាក់ទំនងនេះជាសាធារណៈនោះទេ គឺស្រលាញ់គ្នាបែបលាក់់បាំង។ រឿងនេះបានធ្វើឲ្យនាងពិបាកចិត្តយ៉ាងខ្លាំង ស្រកទម្ងន់រហូតដល់៨គីឡូ។
ទៀតសោត រឿងដែលធ្វើឲ្យ Pimtdao ឈឺចាប់ខ្លាំងបំផុតនោះ គឺនៅពេលដែលនាងឈឺត្រូវចូលសម្រាកនៅក្នុងមន្ទីរពេទ្យ៤ថ្ងៃ ប៉ុន្តែតារាប្រុសរូបនោះ មិនមកមើលនាងឡើយ ដោយលើកហេតុផលថា ខ្លាចគេចាប់បានថាពួកគេទាំងពីរមានទំនាក់ទំនងនឹងគ្នា។
ទ្រាំជាមួយស្នេហាបែបនេះបាន២ឆ្នាំ នាងក៏សម្រេចចែកផ្លូវគ្នា ក្រោយមកមិនបានប៉ុន្មានក៏ត្រលប់មកស្រលាញ់គ្នាវិញ។ ប៉ុន្តែការត្រលប់មកវិញកាន់តែធ្វើឲ្យនាងទឹកភ្នែកលើសដើម ព្រោះខាងប្រុសលួចមានអ្នកថ្មី ហើយក៏សុំនាងបែកគ្នាវិញ។
យ៉ាងណាមិញ រឿងទាំងអស់នេះគ្រាន់តែជាអតីតកាលប៉ុណ្ណោះ អ្វីដែលសំខាន់គឺបច្ចុប្បន្នកាលដែលត្រូវប្រើជីវិតរស់នៅ ឲ្យមានក្តីសុខជាមួយមនុស្សដែលយើងស្រលាញ់៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
