ចិន៖ មានអ្នកប្រើប្រាស់បណ្តាញសង្គមចិនជាច្រើននាក់ បានកោតសរសើរនូវគូស្នេហ៍មួយគូ ដែលពួកគេបានជួយសង្រ្គោះជីវិតក្មេងស្រីម្នាក់ពីការលង់ទឹក ខណៈពេលពួកគេកំពុងតែថតរូបរៀបការ។
យោងតាមប្រភពបានឱ្យដឹងថា កាលពីពេលថ្មីៗនេះ គូស្នេហ៍ចិត្តល្អមួយគូនេះ បានទៅថតរូបរៀបការនៅក្នុងសួនកម្សាន្តមួយកន្លែង ក្នុងទីក្រុង Huai’an ខេត្តជៀងស៊ូ ហើយក៏បានប្រទះឃើញក្មេងស្រីអាយុ ៥ឆ្នាំម្នាក់ ស្រាប់តែធ្លាក់ទឹក នៅក្បែរកន្លែងដែលពួកគេកំពុងថតរូប។
ភ្លាមៗនោះ ពួកគេក៏បានទៅជួយក្មេងស្រីនេះជាបន្ទាន់ ដោយក្នុងនោះបុរសជាប្តីបានចាប់ក្មេងស្រីនេះឡើង រួចក៏យកឱ្យប្រពន្ធជួយបីគេឡើង។
ក្រោយមក គូស្នេហ៍មួយគូនេះបានបដិសេធមិនចង់បង្ហាញឈ្មោះ ឬក៏រៀបរាប់អ្វីច្រើននោះទេ។ ប៉ុន្តែអំពើល្អរបស់ពួកគេត្រូវបានអ្នកនៅជិតនោះថតជាប់ រួចក៏បង្ហោះចូលក្នុងបណ្តាញសង្គម។
មានអ្នកប្រើប្រាស់បណ្តាញសង្គមចិនជាច្រើននាក់សុទ្ធសឹងតែកោតសរសើរនូវទឹកចិត្តរបស់ប្តីប្រពន្ធមួយគូនេះ ដោយពួកគេធ្វើអំពើល្អហើយ តែមិនចង់បានល្បីឈ្មោះអីទេ។
អ្នកខ្លះបាននិយាយថា «នេះគឺជារូបថតរៀបការដ៏គួរឱ្យស្រលាញ់បំផុត។»៕
សូមទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
