កូរ៉េខាងត្បូង ៖ តារាប្រុសចំណូលថ្មី Jang Moonbok ដែលទើបតែបង្ហាញខ្លួនកាលពីប៉ុន្មានថ្ងៃមុននេះ លោកស្រាប់តែបើកបង្ហាញសារថ្មីមួយ នៅក្នុងបណ្តាញអ៊ីនធើណែត បញ្ជាក់ថាលោកទទួលបាន អំណោយពីប្រុសស្អាត V សមាជិកកំពូលក្រមិចក្រមើមប្រចាំក្រុម BTS ធ្វើឲ្យអ្នកគាំទ្រភ្ញាក់ផ្អើលជាខ្លាំង។
គួរបញ្ជាក់ផងដែរថា កាលពីថ្ងៃទី៩ ខែកក្កដា LIMITLESS បានប្រារព្ធកម្មវិធី បើកបង្ហាញខ្លួនជាផ្លូវការលើកដំបូងនៅឯ MUV Hall ទីក្រុងសេអ៊ូល។ ពួកគេបានចាប់ផ្តើមជាផ្លូវការ ជាមួយនឹងអាល់ប៊ុមដំបូងមានចំណងថា Dream Play។
នៅក្នុងថ្ងៃនោះដែរ Jang Moonbok ទទួលបានអំណោយពី V នូវកម្រងផ្កាសំណាងល្អមួយឈុត ជាមួយនឹងសារខ្លីៗនៅលើបូថា «ចូរធ្វើក្លាយជាតារាដែលមានភាពល្បីល្បាញ លើសពីការរំពឹងទុករបស់ V ក្រុម BTS! តស៊ូឡើង Jang Moonbok ក្រុម LIMITLESS»។
ក្នុងនោះដែរ Jang Moonbok ត្រូវបានអ្នកគាំទ្រស្គាល់ថា ជាមិត្តកាលពីវិទ្យាល័យរបស់ V ហើយក៏មានស្រុកកំណើតនៅឯ Daegu តែមួយផងដែរ៕
ទស្សនារូបភាពខាងក្រោម ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
