មិនថាបុរស ឬនារីទេ សោភ័ណភាពស្បែកនឹងបាត់បង់ ពិសេសផ្ទៃមុខតែម្ដងពេលកើតជំងឺកន្ទាលត្រអាកនេះ ព្រោះវាមានសភាពកន្ទួលធំៗ ឬជាស្នាមបន្ទះលើស្បែក មានពណ៌ក្រហមព្រឿងៗ និងរមាស់ខ្លាំង។
កន្ទាលត្រអាក គឺជាប្រតិកម្មម្យ៉ាងដែលកើតមានដោយសារប្រតិកម្មអាលែកហ្សីណាមួយ ឬពេលខ្លះមិនដឹងមូលហេតុពិតប្រាកដ ដែលធ្វើឲ្យយើង ហើម រមាស់ ក្រហម ស្លេក បន្ទះប៉ោងលើស្បែកនាំឲ្យក្រហាយ និងឈឺនៅពេលខ្លះ។ នេះជាការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
លោកវេជ្ជបណ្ឌិតរូបនេះ ក៏បន្ថែមទៀតថា កន្ទាលត្រអាកកើតលើមនុស្សគ្រប់វ័យ ហើយបើនិយាយពីទំហំវាវិញអាចមានចាប់ពីប៉ុនចុងប៉ិច រហូតធំពេញមួយខ្លួន ឬស្នាមបន្ទះៗពេញខ្លួន។ រីឯវិធីព្យាបាល កុំឲ្យកន្ទាលត្រអាករីករាលដាលធំទៅៗ ត្រូវលាបក្រែមបំបាត់បញ្ហានេះ កុំប៉ះពាល់ កុំអេះ ឬញ៉ាំអាហារដែលធ្វើឲ្យរើ ស្អំកន្សែងត្រជាក់ៗ ស្លៀកសម្លៀកបំពាក់រលុងៗ និងញ៉ាំថ្នាំប្រឆំាងអាលែកហ្ស៊ី។ យ៉ាងយូរ ១ សប្ដាហ៍ វានឹងជា ធម្មតាវានឹងបាត់ទៅវិញក្នុងរយៈពេលក្រោម ២៤ ម៉ោង ប៉ុន្តែបើកន្លែងចាស់បាត់ វាអាចចេញនៅកន្លែងថ្មីមួយទៀត។
មនុស្សម្នាក់ៗមានទម្លាប់រស់នៅប្រចាំថ្ងៃខុសៗគ្នា ដូចនេះហើយការប្រតិកម្មជាមួយអ្វីម្យ៉ាង ក៏មិនដូចគ្នាដែរ ចឹងអ្នកខ្លះប៉ះរបស់អ្វីមួយប្រាកដជារើឡើងជាមិនបាន។
អាហារ៖ គ្រឿងសមុទ្រ អាហារផ្អាប់ ថ្នាំពេទ្យ ស្រា បារី សារធាតុគីមីផ្សេងៗដូចជា ថ្នាំលាបសក់ រោមសត្វ សត្វចិញ្ចឹម លំអងធូលី អាកាសធាតុ ស្បែករងសម្ពាធយូរពេក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]