ជាធម្មតាគ្រូពេទ្យតែងតែលើកទឹកចិត្តឲ្យម៉ាក់ៗជិតដល់ថ្ងៃ សម្រាលកូនតាមបែបធម្មជាតិ ព្រោះវាល្អចំពោះខ្លួន និងកូន ប៉ុន្តែប្រសិនបើក្នុងករណីមានភាពមិនប្រក្រតីណាមួយដូចជាកូនទទឹងពោះ សុកពាំងមាត់ស្បូន ទងសុករុំកច្រើនជុំ និងបញ្ហាដទៃទៀត គ្រូពេទ្យបានណែនាំវិធីសម្រាលដោយវះកាត់វិញ ដើម្បីចៀសវាងបញ្ហាគ្រោះថ្នាក់ផ្សេងៗ។
លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានប្រាប់ពីគុណប្រយោជន៍ក្នុងការសម្រាលតាមវិធីធម្មជាតិម៉ាក់ៗមានផលល្អច្រើនយ៉ាងដូចខាងក្រោម៖
១- ចំពោះម៉ាក់ៗ
ក្រោយសម្រាលរួចតែប៉ុន្មានម៉ោងប៉ុណ្ណោះ ម៉ាក់ៗអាចដើរបាន
គ្មានការឈឺចាប់ដែលបន្សល់ដូចវះកាត់ឡើយ
សម្រាកនៅពេទ្យរយៈពេលខ្លី
មុខរបួសឆាប់ជាសះស្បើយ និងគ្មានស្នាម
គ្មានផលវិបាកធ្ងន់ធ្ងរទៅថ្ងៃក្រោយ នៅពេលធ្លាប់សម្រាលតាមធម្មជាតិ
ចំណាយថវិកាតិច
អាចបញ្ជាក់ថាជាម្ដាយដ៏ល្អបាន ហើយថ្ងៃក្រោយទៅនៅតែអាចបង្កើតកូនយ៉ាងជឿជាក់។
២- ចំពោះបេប៊ី
ទទួលបានអ័រម៉ូនពពួកអុកស៊ីតូស៊ីនបានល្អពីម្ដាយដែលជួយជំរុញក្នុងការបញ្ចេញទឹកដោះ
អាចទទួលបានអង់ទីករមួយចំនួនដែលអាចការពារពីម៉ាយក្រុបច្រើន
អត់សូវប្រឈមនឹងបញ្ហាផ្សេងៗជាពិសេសបញ្ហាក្នុងការដកដង្ហើម ឬគ្មានទឹកក្នុងសួត
ទឹករម្អិលនៅពេលសម្រាលដោយធម្មជាតិ អាចជួយបណ្ដេញកាកសំណល់ចេញពីរាងកាយទារក
បាក់តេរីល្អក្នុងរាងកាយម៉ាក់ៗពេលសម្រាល អាចជំនួយដល់ពោះវៀន និងប្រព័ន្ធភាពស៊ាំកូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយHello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
