កូរ៉េខាងត្បូង៖ កាលពីថ្ងៃទី៩ ខែកក្កដាកន្លងទៅខាងផលិតកម្មC-Jes Entertainment បានបង្ហោះរូបថតប៉ុន្មានសន្លឹករបស់ តារាសម្តែងស្រីវ័យក្មេងរបស់ពួកគេនៅលើInstagram ផ្លូវការរបស់ក្រុមហ៊ុន។
ពួកគេបានបង្ហោះរូប តារាសម្តែងស្រីវ័យក្មេង Jin ji Hee ដែលនាងធ្លាប់បានបង្ហាញខ្លួន ក្នុងរឿង «High Kic Through the Roof» ដែលមានចរិតកាច និងក្រម៉ិចក្រមើម បានយ៉ាងសាកសម ។ ពេលនេះនាងបានធំពេញរូបពេញរាងហើយ ហើយអ្នកគាំទ្រក៏បានសរសើរ មិនដាច់ពីមាត់ពីសម្រស់ដ៏ស្រស់ស្អាតខ្លាំងរបស់នាង គ្រប់គ្នាបាននិយាយថា មើលសឹងតែមិនស្គាល់ ស្រស់ស្អាតជាងពីពេលនាងនៅក្មេងទៅទៀត ។
គួរបញ្ជាក់ផងដែរថា តារាសម្តែងស្រីវ័យក្មេង Jin ji Hee បានចាប់ផ្តើមអាជីពសម្តែងរបស់នាង តាំងពីពេលដែលនាងមានអាយុបាន៥ឆ្នាំមកម្លេះ ហើយនាងត្រូវបានទស្សនិកជនទូទៅ ស្គាល់តាមរយៈខ្សែភាពយន្ត «High Kic Through the Roof» ក្នុងឆ្នាំ២០០៩។
សព្វថ្ងៃ Jin ji Hee ជានិស្សិតឆ្នាំទីមួយក្នុងសាកលវិទ្យាល័យDongguk ក្នុងមហាវិទ្យាល័យ «ល្ខោននិង ភាពយន្ត»។ នាងក៏បានបង្ហោះសារមួយ ជូនទៅអ្នកគាំទ្រអំពីការសិក្សារបស់នាងផងដែរថា”ខ្ញុំចង់ធ្វើឲ្យបានល្អក្នុងសាលាដូច្នេះ ខ្ញុំបានខំសិក្សាយ៉ាងខ្លាំង។ ក្នុងពេលឆមាសទី២ នៃឆ្នាំសិក្សាទី១របស់ខ្ញុំ, ខ្ញុំបានទទួលបាននិទ្ទេសA+ លើគ្រប់មុខជំនាញទាំងអស់ នៅក្នុងថ្នាក់របស់ខ្ញុំ ហើយខ្ញុំក៏ទទួលបានលេខមួយ ប្រចាំមហាវិទ្យាល័យរបស់ខ្ញុំផងដែរ។”៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]