ចិន៖ មនុស្សម្នាមានការចាប់អារម្មណ៍យ៉ាងខ្លាំង ទាក់ទិនទៅនឹងអ្នកដឹកជញ្ជូនផ្លែឈើម្នាក់ ដែលមានជំនាញចាប់ឪឡឹកបានយ៉ាងឡូយ ដោយប្រើតែដៃម្ខាងប្រៀបដូចជាកំពូលកីឡាករបាល់បោះ NBA ពេលនេះកំពុងតែល្បីលើបណ្តាញសង្គមចិន។

យោងតាមប្រភពបានឱ្យដឹងថា បុរសម្នាក់នេះមានអាយុ២៧ឆ្នាំ រស់នៅក្នុងទីក្រុង Jiaxing ខេត្តចេជាំងបានប្រាប់អ្នកសារព័ត៌មានថា រូបគេមិនដែលលេងបាល់បោះពីមុនមកទេ ហើយនៅពេលលោកចាប់ឪឡឹកជាលើកដំបូងនោះ ដៃរបស់លោកឈឺពេញមួយថ្ងៃ។

ដល់ចាប់ឪឡឹកយូរៗទៅ លោកក៏ទម្លាប់នឹងវា ហើយពេលនេះក៏មិនដែលចាប់ខុសដែរ។ ពេលនេះលោកល្បីពេញបណ្តាញសង្គម ព្រោះតែជំនាញចាប់ឪឡឹកដ៏ប៉ិនប្រសព្វនេះ។

យ៉ាងណាមិញ មានអ្នកប្រើប្រាស់បណ្តាញសង្គមចិនជាច្រើននាក់បានកោតសរសើរលោក ហើយអ្នកខ្លះក៏បាននិយាយលេងសើចថា៖

«គេគួរតែចាប់ខុសខ្លះ អីចឹងគេបានហូបឪឡឹកបែកបានខ្លះ។»

«វាមិនល្អនោះទេដែលចាប់តែដៃស្តាំនោះ។ គេគួរតែអនុវត្តចាប់ដៃឆ្វេងផងដែរ។»

ចង់ជ្រាបច្បាស់ទស្សនាវីដេអូខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]