ថៃ៖ ក្រោយពេលតារាសម្តែងស្រីដែលកំពុងតែមានប្រជាប្រិយភាព អ្នកនាង Tye Chutima លែងលះជាមួយអតីតស្វាមី រឿងមួយនេះក៏បានក្លាយជាប្រធានបទដ៏ក្តៅគគុកមួយ ដែលទទួលបានការចាប់អារម្មណ៍ជាខ្លាំង នៅក្នុងបណ្តាញសង្គម។
យ៉ាងណាមិញ ចាប់តាំងពីលែងលះគ្នាដាច់ស្រេច តារាស្រីរូបនេះ ក៏មិនធ្លាប់បើកចិត្តនិយាយពីរឿងទាំងនោះ ប្រាប់ដល់ហ្វេនៗឲ្យបានដឹងដែរ ប៉ុន្តែថ្មីៗនេះ ស្រាប់តែអ្នកនាង Tye បានផ្តល់បទសម្ភាសន៍និយាយអំពីរឿងដែលធ្លាប់ឆ្លងកាត់ និងកាតព្វកិច្ចចិញ្ចឹមកូនស្រីតែម្នាក់ឯងថា៖
«ចំពោះរឿងខ្ញុំ និងអតីតស្វាមី គឺពួកយើងធ្លាប់មានពេលវេលាដែលមានក្តីសុខរួមគ្នាជាច្រើន ហើយមកដល់ពេលមួយ ដែលអ្វីៗបានប្រែប្រួល យើងក៏ត្រូវយល់ ត្រូវទទួលស្គាល់ការពិត។ មូលហេតុខ្ញុំសម្រេចចិត្តលែងលះគ្នា គឺប្រៀបដូចជាយើងដើរមកដល់ចំណុចមួយ ដែលយើងចាំបាច់ត្រូវតែធ្វើបែបនេះ។ ទម្រាំតែឆ្លងផុតរឿងដ៏លំបាកមួយនេះ ខ្ញុំគិតច្រើន ស្មុគស្មាញ មិនដឹងថាត្រូវធ្វើអ្វីបន្តទៅទៀត នេះជារឿងដែលពិបាកបំផុតសម្រាប់មនុស្សស្រី ជាពិសេសអ្នកដែលមានកូន។ ម្យ៉ាងវិញទៀត ការចិញ្ចឹមកូនតែម្នាក់ឯង សម្រាប់ខ្ញុំមិនបានចាត់ទុកថាជារឿងដែលពិបាកនោះទេ ព្រោះខ្ញុំបានធ្វើតួនាទីនេះតាំងពីថ្ងៃដំបូង ដែលដឹងថាមានផ្ទៃពោះ ដូច្នោះមិនមានអ្វីដែលជាឧបសគ្គសម្រាប់ខ្ញុំទេ»។
ជាការពិតណាស់ តារាស្រី អ្នកនាង Tye Chutima បានក្លាយមនុស្សស្រីដ៏រឹងមាំមួយរូប ដែលជាគំរួដល់មនុស្សស្រីដទៃទៀត ក្នុងការឆ្លងកាត់បញ្ហាគ្រួសារ និងការចាប់ផ្តើមប្រើប្រាស់ជីវិតថ្មីឲ្យមានសេក្តីសុខ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]