កូរ៉េខាងត្បូង៖ កាលពីថ្មីៗនេះ តារាចម្រៀងKpopប្រុសលំដាប់ជួរ Byun Baekhyun សមាជិកក្រុម EXO បានជួបនូវហេតុការណ៍ដ៏គួរឲ្យហួសចិត្តមួយ ដោយសារតែការយល់ច្រឡំ នៅឯព្រលានយន្តហោះ។

តាមរយៈពេលវីដេអូខ្លីមួយ ដែលកំពុងតែចែកចាយពាសពេញបណ្តាញទំនាក់ទំនងសង្គម បានឲ្យឃើញថា តារាចម្រៀងប្រុស Baekhyun បានកំពុងតែធ្វើដំណើរនៅឯព្រលានយន្តហោះមួយ ដោយមានអមមកជាមួយនឹងអ្នកការពារ និងអ្នកចាត់ការផ្ទាល់ខ្លួនរបស់លោក ប៉ុន្តែដោយសារតែអត្តចរិតពីកំណើតរបស់លោក ដែលជាមនុស្សមានទឹកចិត្ត ចូលចិត្តជួយអ្នកដទៃ លោកក៏បានធ្វើរឿងដ៏គួរឲ្យសរសើរមួយ ដោយបានជួយរើសនូវ របស់ដែលមានធ្លាប់ចេញពីកន្រ្តករបស់នរណាម្នាក់ក៏មិនដឹង ដែលបានទុកចោលនៅកណ្តាលផ្លូវ។

ប៉ុន្តែដោយការគាប់ជួន ស្ត្រីម្នាក់ដែលស្លៀករ៉ូបពណ៌ស្វាយកំពុងតែឈរនិយាយទូរស័ព្ទនៅខាងក្រៅ ដូចដែលបានឃើញនៅក្នុងវីដេអូខាងក្រោមនេះ គឺជាម្ចាស់កន្រ្តកដែលទុកចោលនេះតែម្តង ក៏បានងាកមកមើលខាងក្រោយចំពេលដែល Baekhyun កំពុងតែរើសរបស់ដាក់ចូលក្នុងកន្រ្តកឲ្យល្មម ក៏កើតការយល់ច្រឡំ ធ្វើឲ្យស្ត្រីរូបនោះបានគិតថា Baekhyun គឺជាចោរបន្លំលួចរបស់នៅក្នុងកន្រ្តករបស់គាត់។

ជាក់ស្តែងរំពេចនោះផងដែរ ខណៈពេលដែលBaekhyun គ្រាន់តែដើរចេញមកខាងក្រៅភ្លាម ស្រ្តីរូបនោះក៏បានរត់ស្ទុះទៅរកលោកភ្លែត បំណងចង់វាយនិងរករឿងលោកតែម្តង ដែលធ្វើឲ្យអ្នកគាំទ្រជាច្រើនក៏ដូចជា Baekhyun ផ្ទាល់មានការភ្ញាក់ផ្អើលជាខ្លាំង ប៉ុន្តែសំណាងល្អ ដែលអ្នកការពារក៏ដូចជាអ្នកចាត់ការផ្ទាល់ខ្លួនរបស់លោក ចូលមកឃាត់និងចាប់ទាញស្ត្រីរូបនោះចេញ បានទាន់ពេលវេលា បើមិនដូច្នោះទេ អាចនឹងកើតមានរឿងចំពោះតារាប្រុសវ័យ២៧ឆ្នាំរូបនេះជាក់ជាមិនខាន ដោយសារតែអត្តចរិតមានទឹកចិត្តពេករបស់លោក ដូចពាក្យគេថា ខំជួយគេហើយ បែរជាគេចាត់ទុកថាជាចោរទៀត៕    

Baekhyun ត្រូវស្រ្តីម្នាក់យល់ច្រឡំស្មានតែចោរលួចឥវ៉ាន់
Baekhyun ត្រូវស្រ្តីម្នាក់យល់ច្រឡំស្មានតែចោរលួចឥវ៉ាន់
Baekhyun សមាជិកក្រុម EXO
Baekhyun សមាជិកក្រុម EXO
Baekhyun សមាជិកក្រុម EXO
Baekhyun សមាជិកក្រុម EXO
Baekhyun សមាជិកក្រុម EXO
Baekhyun សមាជិកក្រុម EXO

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]