អង់គ្លេស៖ ក្លិបបាល់ទាត់កាំភ្លើងធំ Arsenal បានសម្លឹងមើលឃើញក្នុងការទិញយកខ្សែប្រយុទ្ធរបស់ Real Madrid កីឡាករ Mariano Diaz មករួមក្រុមក្រោមការដឹកនាំរបស់លោក Unai Emery។
អ្នកចាត់ការទូទៅរបស់ Arsenal លោក Unai Emery មានទំហំទឹកប្រាក់ប្រមាណជា ៤៥លានផោនប៉ុណ្ណោះសម្រាប់ការចាយវាយក្នុងអំឡុងទីផ្សារដោះដូរកីឡាកររដូវក្ដៅនេះ ដែលវាហាក់មិនគ្រប់គ្រាន់សម្រាប់ការរៀបចំក្រុមដើម្បីប្រកួតប្រជែងក្នុងរដូវកាលថ្មី ជាមួយក្លិបដ៏ទៃនៅក្របខណ្ឌ Premier Leauge និងការប្រជែងកៅអីទៅលេងពានរង្វាន់ UEFA Champions League នោះទេ។
យ៉ាងណាមិញ បើតាមកាសែត The Mirror បានចុះផ្សាយថាក្លិប Arsenal អាចមានឱកាសនាំកីឡាករ Mariano Diaz មកកាន់កីឡដ្ឋាន Emirate Stadium ជាមួយទឹកប្រាក់ ១៨លានផោនប៉ុណ្ណោះ។
Mariano Diaz ធ្លាប់ត្រូវបានក្លិបនៅបារាំងខ្ចីជើងរយៈពេលមួយរដូវកាល (២០១៧-២០១៨) មុននឹងត្រឡប់មកចូលរួមជាមួយ Real Madrid វិញកាលពីរដូវកាលមុន ដោយបានចូលលេងបាន ១៣ដង និងអាចរកគ្រាប់បាល់បានចំនួន ៣គ្រាប់។
បើទោះបីជាបច្ចុប្បន្ន ក្លិប Arsenal កំពុងតែមានខ្សែប្រយុទ្ធកំពូលពីររូបរួមមាន Alexandre Lecazete និង Pierre-Emerick Aubameyang ក៏ដោយ ក្លិបមួយនេះតែអន្ទងចិត្តចង់ចំណាយប្រាក់ ១៨លានផោនទិញយក Mariano Diaz មកជំនួសកន្លែងរបស់កីឡាករ Denny Welbeck។
គួរបញ្ជាក់ផងដែរថា កីឡាករវ័យ ២៥ឆ្នាំ Mariano Diaz នៅសល់កុងត្រារយៈពេល ៤ឆ្នាំទៀតជាមួយក្លិបយក្សអេស្ប៉ាញ Real Madrid ប៉ុន្តែលោក Zidane ហាក់មានចេតនាចង់លក់រូបគេចេញ ក្រោយការមកដល់របស់ខ្សែប្រយុទ្ធជម្រើសជាតិប៊ែលហ្សិក Eden Hazard៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
