កូរ៉េខាងត្បូង៖ កាលពីថ្ងៃទី៩ ខែកក្កដា នាពេលកន្លងទៅនេះតារាសម្តែងប្រុសល្បីឈ្មោះ Kang Jihwan របស់កូរ៉េម្នាក់ទៀតហើយដែល ត្រួវបានចាប់ខ្លួនពីបទរំលោភ និងហិង្សាផ្លូវភេទនៅក្នុងផ្ទះរបស់គេតែម្តង។
អ្នករាយការណ៍បាននិយាយថា តារាសម្តែងវ័យ៤២ឆ្នាំរូបនេះ បានត្រឡប់មកផ្ទះវិញជាមួយនិងមនុស្សស្រី២នាក់ ដែលត្រូវបានគេស្គាល់ថាជា ភ្នាក់ងាររបស់ Kang Jihwan បន្ទាប់ពីពួកគេបានទៅ ចូលរួមទទួលទានអាហារពេលល្ងាច ជាមួយបុគ្គលិកក្រុមហ៊ុនផ្សេងទៀតហើយ ក្នុងពេលនោះ រូបគេក៏បានផឹក រៀងស្រវឹងជ្រុលបន្តិច។ នៅពេលយប់ជ្រៅបន្តិច តារាប្រុសរូបនេះក៏បានដើរចូលទៅ ក្នុងបន្ទប់ដែលបុគ្គលិកស្រី២នាក់នោះកំពុងសម្រាក ហើយក៏ធ្វើសកម្មភាពរំលោភបំពាន ទៅលើពួកគេតែម្តង។
បុគ្គលិកស្រីមា្នក់ក្នុងចំណោម២នាក់នោះ បានផ្ញើសារទៅកាន់មិត្តភក្តិរបស់គេ ឲ្យរាយការណ៍ទៅកាន់ប៉ូលីស។ នាងបាននិយាយថា នាងកំពុងតែដេកនៅពេលដែល Kang Jihwan ព្យាយាមរំលោភបំពានមកលើនាង។
ចំណែកភាគីខាងKang Jihwan ក៏បានលើកឡើងថា រូបគេមិនបានចាំអ្វីទាំងអស់នៅរឿងរ៉ាវដែលគេបានធ្វើ ពីព្រោះគេកំពុងតែស្រវឹង។ តារាប្រុសរូបនេះបាននិយាយទៀតថា ”ខ្ញុំចាំបានថាខ្ញុំបានផឹកស្រាជាមួយពួកគេ ក៏ប៉ុន្តែខ្ញុំមិនបានចាំអ្វីដែលបាន កើតឡើងបន្តទៀតនោះទេ។ នៅពេលដែលខ្ញុំបានបើកភ្នែកឡើង គឺខ្ញុំបាននៅក្នុងបន្ទប់ ជាមួយនឹងពួកគេទៅហើយ។”
ខាងភ្នាក់ងារប៉ូលីសបានឲ្យដឹងថា ខាងប៉ូលីសយើង នឹងធ្វើការសាកសួរតារាប្រុសKang Jihwan បន្ថែមទៀតនៅថ្ងៃនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]