ថៃ៖ អតីតតួឯកប្រុសក្នុងខ្សែភាពយន្តរឿង «Love Sick» តារាប្រុសរូបសង្ហា លោក White Nawat ទើបតែបានបញ្ចប់ថ្នាក់បរិញ្ញាបត្រផ្នែកសម្ដែង កាលពីប៉ុន្មានថ្ងៃមុននេះ សម្រេចទៅតាមក្ដីប្រាថ្នារបស់ខ្លួនផងដែរ។
ដោយឡែក បន្ទាប់ពីបានបញ្ចប់ការសិក្សា មិនប៉ុន្មានថ្ងៃ អ្វីដែលធ្វើឲ្យមហាជនសសើរមិនដាច់ពីមាត់ គឺថាតារាសម្ដែងប្រុសវ័យក្មេង លោក White ក៏បំពេញតួនាទីជាកូនប្រុសល្អ និងជាពិសេសបានតាំងចិត្តជ្រះថ្លា បួសជាសង្ឃដើម្បីសងគុណឪពុកម្តាយ ហើយក៏ដូចជាបានសិក្សាស្វែងយល់ផ្លូវធម៌ នៅក្នុងវិស័យព្រះពុទ្ធសាសនាផងដែរ ។
យ៉ាងណាមិញ អ្នកគាំទ្រជាច្រើន ក៏បានលាន់មាត់សរសើរពីទឹកចិត្ត របស់តារាប្រុសរូបនេះ ដោយលោកមិនត្រឹមតែមានរូបរាងសង្ហាក្មេងតែប៉ុណ្ណោះនោះទេ ប៉ុន្តែថែមទាំងមានភាពកតញ្ញូចំពោះឪពុកម្តាយថែមទៀតផង។
លើសពីនេះ អ្នកគាំទ្រក៏បានធ្វើការជូនពរទៅកាន់ ភិក្ខុ White ឲ្យសម្រេចបាននូវ ផ្លូវព្រះធម៌ដ៏សែនជ្រះថ្លានេះ បានដោយជោគជ័យ ព្រមទាំងឆាប់វិលត្រឡប់មកជួបអ្នកគាំទ្រវិញ ក្នុងពេលខាងមុខនេះផងដែរ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]