ថៃ៖ រឿងភាគថ្មី «Nee Ruk Nai Korng Fai» ដែលជាការជួបសម្តែងគូជាមួយគ្នាលើកដំបូង រវាងតារាសម្តែងប្រុស Alek Teeradetch និងតារាសម្តែងស្រីវ័យក្មេង Patricia Good កំពុងទទួលបានការចាប់អារម្មណ៍ និងមានអ្នកគាំទ្រលើកយកមកនិយាយគ្រប់ៗគ្នា។
ជាក់ស្តែងរឿងនេះទទួលបានគាំទ្រយ៉ាងខ្លាំង ទាំងសាច់រឿង និងការសម្តែងរបស់ពួកគេទាំងពីរ មានភាពស៊ីសង្វាក់គ្នា ធ្វើឲ្យអ្នកទស្សនាហើយជក់ចិត្តដិតអារម្មណ៍។
ទៀតសោតលោក Alek Teeradetch ដែលជាតួឯកប្រុស សប្បាយចិត្តយ៉ាងខ្លាំង នៅពេលដែលរឿងទទួលបានការគាំទ្របែបនេះ ព្រោះនេះជារឿងដែលលោកព្យាយាមសម្តែងឲ្យបានល្អខ្លាំងបំផុត។
ជាមួយគ្នានេះដែរ Alek Teeradetch បានត្អូញថា រឿងនេះពិបាកខ្លាំងសម្រាប់លោក ព្រោះភាគច្រើនលោកតែងសម្តែងជាតួកំប្លែង លេងសើចច្រើនជាដើម។ ប៉ុន្តែសម្រាប់រឿងនេះលោកត្រូវផ្លាស់ប្តូរទាំងស្រុង ដោយត្រូវសម្តែងជាតួស្ងៀមស្ងាត់ ហើយមានឈុតកម្សត់ច្រើន នៅក្នុងរឿងនេះលោកស្ទើរតែគ្មាន ឈុតញញឹមទាល់តែសោះ។
ប៉ុន្តែទោះបីជាយ៉ាងណាក៏ដោយ ការខិតខំប្រឹងប្រែងសម្តែងរបស់លោក មិនអត់ប្រយោជន៍ទេ ព្រោះរឿងនេះ មានតែពាក្យសរសើរពីអ្នកទស្សនាមិនដាច់ពីមាត់៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
