ខេត្តកំពង់ធំ ៖ តាមសេចក្តីរាយការណ៍បឋមបានឱ្យដឹងថា ឪពុកនិងកូនប្រុសអង្គុយផឹកស្រាតែពីរនាក់ ហើយគេមិនដឹងថាទំនាស់ពាក្យសម្តីគ្នារឿងអ្វីនោះទេ ស្រាប់តែកូនប្រុសចាប់ឪពុកអារ.កបណ្តាលឱ្យស្លាប់ បង្កការភ្ញាក់ផ្អើលកើតឡើងកាលពីវេលាម៉ោង៣និង៣០នាទីរសៀលថ្ងៃទី៨ ខែកក្កដា ឆ្នាំ២០១៩ ស្ថិតក្នុងភូមិឈើទាល ឃុំឈើទាល ស្រុកសណ្ដាន់ ខេត្តកំពង់ធំ។
តាមប្រភពពីសមត្ថកិច្ចបានប្រាប់ឱ្យដឹងថា ជនរងគ្រោះដែលស្លាប់ឈ្មោះ ឃិន ប៉ិច ភេទប្រុស អាយុ៥១ឆ្នាំ ត្រូវជាឪពុកបង្កើត ចំណែកជនសង្ស័យឈ្មោះ ឣឿន ប៉ាក់ ភេទប្រុស អាយុ២៨ឆ្នាំ ត្រូវជាកូន ។ អ្នកទាំង២រស់នៅក្នុងភូមិឃុំកើតហេតុខាងលើ ។
ក្រោយពេលកើតហេតុ សមត្ថកិច្ចបានឃាត់ខ្លួនជនសង្ស័យជាកូន និងនាំទៅធ្វើតេស្តរកសារធាតុញៀនដែរ តែរកពុំឃើញនោះទេ ។ បច្ចុប្បន្ន ជនសង្ស័យត្រូវបានសមត្ថកិច្ចកសាងសំណុំរឿងចាត់ការតាមនីតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
