កូរ៉េខាងត្បូង៖ បុរសជនជាតិកូរ៉េម្នាក់បានប្រើប្រាស់អំពើហឹង្សាទៅលើប្រពន្ធដោយសារនាងធ្វើម្ហូបដែលខ្លួនមិនចូលចិត្ត។
យោងតាមប្រភពបានឲ្យដឹងថា បុរសជាប្ដី មានអាយុ៣៦ឆ្នាំ ជាជនជាតិកូរ៉េ បានរស់នៅជាមួយប្រពន្ធដែលជាជនជាតិវៀតណាត មានអាយុ៣០ឆ្នាំ។ ពួកគេទាំងពីរនាក់រស់នៅខេត្ត Jeolla នៃប្រទេសកូរ៉េខាងត្បូង។
នៅថ្ងៃទី៤ ខែកក្កដា ឆ្នាំ២០១៩ វេលាម៉ោង៩នាទីយប់ បុរសជាប្ដីបានផ្ទុះកំហឹងដោយសារប្រពន្ធធ្វើម្ហូបបែបវៀតណាម។ បុរសជាប្ដីបានប្រាប់ប្រពន្ធជាច្រើនដងហើយថា គាត់មិនចូលចិត្ត និងហាមមិនឲ្យធ្វើម្ហូបវៀតណាម។ លើសពីនេះទៀត បុរសជាប្ដីក៏ខឹងចំពោះបញ្ហាដែលប្រពន្ធនិយាយភាសាកូរ៉េមិនច្បាស់ទៀតផង។
យោងតាមវីដេអូ បុរសជាប្ដីបានដាល់ និងទាត់ធាក់ប្រពន្ធជាច្រើនដង ដោយនិយាយថាគាត់មិនចូលចិត្តម្ហូបវៀតណាម និងមិនឲ្យធ្វើម្ហូបវៀតណាមទៀតទេ។ បន្ទាប់ពីវ៉ៃរួច ប្ដីបានប្រាប់ប្រពន្ធឲ្យយកកូនដែលកំពុងយំជិតនោះទៅដេក រួចក៏ដើរចេញទៅបាត់។
ប៉ូលិសបានឲ្យដឹងថា មិត្តភក្តិរបស់ស្ត្រីជាប្រពន្ធបានរាយការណ៍មកខាងប៉ូលិសនៅថ្ងៃទី៥ ខែកក្កដា។ ប៉ូលិសបានធ្វើការចាប់ខ្លួនបុរសជាប្ដី នៅថ្ងៃទី៦ ខែកក្កដា ពីបទប្រើប្រាស់ហឹង្សាទៅលើប្រពន្ធ។
ប្រភពបានឲ្យដឹងទៀតថា ស្ត្រីជាប្រពន្ធកំពុងសម្រាកព្យាបាលរបួសដោយសារនាងបានបាក់ឆ្អឹងជំនី នឹងត្រូវចំណាយពេល៤សប្តាហ៍ដើម្បីឲ្យជាឡើងវិញ៕
សូមទស្សនាវីដេអូខាងក្រោម៖
WARNING: GRAPHIC VIOLENT
(Viewer discretion is advised)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]