ខេត្តមណ្ឌលគិរី ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៦និង២០នាទីថ្ងៃទី៨ ខែកក្កដា ឆ្នាំ២០១៩ មានករណីបុរសម្នាក់ចងកសម្លាប់ខ្លួន ស្ថិតនៅក្នុងចំការខាងក្រោយព្រះវិហារយីស៊ូគ្រីស្ត ឬអង្គការដំណឹងល្អទាំង៤ នៅចំណុចភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
ជនរងគ្រោះដែលស្លាប់ឈ្មោះ រៀម លីថូ ភេទប្រុស អាយុ១៨ឆ្នាំ រស់នៅភូមិឃុំកើតហេតុខាងលើ។
តាមសេចក្តីរាយការណ៍បានឱ្យដឹងថា សង្ស័យជនរងគ្រោះខឹងឪពុកម្តាយមិនស្តីដណ្តឹងប្រពន្ធដែលខ្លួនស្រលាញ់ឱ្យ ហើយម្យ៉ាងទៀតសង្ស័យខឹងឪពុកម្តាយស្តីបន្ទោសរឿងដើរលេងយប់ ទើបជនរងគ្រោះធ្វើអត្តឃាតដោយចង.កសម្លាប់ខ្លួនតែម្តង។
ក្រោយទទួលបានសេចក្តីរាយការណ៍ខាងលើភ្លាម កំលាំងសមត្ថកិច្ចបានចុះទៅពិនិត្យកន្លែងកើតហេតុ ហើយនៅលើខ្លួនជនរងគ្រោះក្រៅពីស្នាមខ្សែចងរឹត.ក រកពុំឃើញមានស្លាកស្នាមអ្វីគួរឱ្យកត់សម្គាល់ឡើយ ។ ក្រោយពីពិនិត្យរួច កំលាំងសមត្ថកិច្ចបានប្រគល់សពអោយទៅក្រុមគ្រួសារដើម្បីទទួលយកទៅធ្វើបុណ្យតាមប្រពៃណី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
