បារាំង៖ ក្លិបអ្នកមាននៅបារាំង Paris Saint-Germain បានចាប់អារម្មណ៍អ្នកចាំទីរបស់ Real Madrid កីឡាករ Keylor Navas មកជំនួសកន្លែងរបស់កំពូលអ្នកចាំទី Gianluigi Buffon ដែលចាកចេញទៅ Juventus។
Navas បានចំណាយរយៈពេល ៥រដូវកាលជាមួយ Real Madrid ប៉ុន្តែក្រោយការមកដល់របស់អ្នកចាំទីជម្រើសជាតិប៊ែលហ្សិក Thibaut Courtois នៅទឹកដី Santiago Bernabeu កីឡាករ Navas ហាក់មិនសូវបានបង្ហាញខ្លួនក្នុងជម្រើសដំបូងនោះទេ ដោយភាគច្រើនតំណែងដៃទីមួយត្រូវបានធ្លាក់ទៅលើ Courtios។
យ៉ាងណាមិញបើតាមកាសែត Don Balon បានចុះផ្សាយថាក្លិបអ្នកមានមូលដ្ឋាននៅទីក្រុងប៉ារីស ប្រទេសបារាំង Paris Saint Germain បានចាប់អារម្មណ៍ក្នុងការនាំយកអ្នកចាំទីជម្រើសជាតិខូស្ដារីកាទៅរួមរស់ជាមួយ ដើម្បីជំនួសកន្លែងរបស់ Gianluigi Buffon ដែលចាកចេញទៅ Juventus វិញក្រោយមក PSG បានមួយរដូវកាល។
ចំពោះតម្លៃខ្លួនរបស់ Navas វិញត្រូវបានគេដឹងថាប្រមាណជា ២០លានអឺរ៉ូ ដែលតម្លៃខ្លួននេះស្មើនឹង ២ដង ពេលដែល Real Madrid ទិញរូបគេកាលពីឆ្នាំ ២០១៤។ ប្រភពដដែលនោះបានបន្តទៀតថា Keylor Navas បានប្រាប់ទៅកីឡាករមុខស្រស់ James Rodriguez ថារូបគេអាចនឹងទៅលេង Paris ថែមទៀតផង៕
ប្រភព៖ foxsportasia
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]