ក្រោយសម្រាលកូនរួចបាន ៦ សប្តាហ៍ គ្រូពេទ្យតម្រូវឲ្យស្រីៗមកជួបម្តងទៀតដើម្បីពិនិត្យសុខភាព។ ការណាត់ជួបនេះពិតជាមានសារៈសំខាន់ខ្លាំងណាស់ ដើម្បីវាយតម្លៃពីសុខភាពមាត់ស្បូន និងការប្រឹក្សាយោបល់ទាក់ទងនឹងការពន្យារកំណើត ដើម្បីបង្ការការមានកូនញឹកពេក ធ្វើឲ្យប៉ះពាល់ដល់សុខភាពម៉ាក់ៗ។
បើតាមផេកផ្លូវការរបស់មន្ទីរពេទ្យកាល់ម៉ែត បានបង្ហាញគោលបំណងសំខាន់ៗចំនួន ៥ ចំណុច អំពីសារៈប្រយោជន៍នៃការពិនិត្យក្រោយសម្រាល ដែលរយៈពេលនេះរាងកាយ និងស្បូនស្ត្រីត្រលប់មកសភាពដើមវិញ៖
១- ពិនិត្យស្នាមរបួសក្រោយពីសម្រាល តើជាសះស្បើយល្អហើយឬនៅ?
២- ពិនិត្យមើលសុដន់ម៉ាក់ៗ ថាតើមានបញ្ហាអ្វី ឬអត់៖ (ឧទាហរណ៍៖ មានដុំទឹកដោះ ស្ទះរន្ធទឹកដោះ មានខ្ទុះដោះ)។
៣- ពិនិត្យមើលមាត់ស្បូន និងស្បូន តើត្រលប់មកសភាពល្អដូចដើមវិញ ឬនៅ?
៤- ពិភាក្សាអំពីការពន្យារកំណើត៖ ព្រោះនេះជារយៈពេលដែលប្តីប្រពន្ធអាចរស់នៅជាមួយគ្នាវិញ ហើយតែងយល់ច្រឡំថា នេះជារយៈពេលដែលគ្មានការបង្កកំណើតថ្មី ដែលតែងតែធ្វើឲ្យម៉ាក់ៗមានផ្ទៃពោះជាថ្មី ដោយគ្មានការគ្រោងទុក។
៥- ពិនិត្យមើលសុខភាពរបស់ម៉ាក់ៗ ថាតើបានសម្រាកគ្រប់គ្រាន់ទេ និងបានញ៉ាំចំណីអាហារដែលសម្បូរជីវជាតិសម្រាប់ខ្លួន និងកូនហើយឬនៅ? (ចំពោះម៉ាក់ៗដែលបំបៅដោះកូន)។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]