បរទេស៖ ជារឿងដែលនឹកស្មានមិនដល់ និងគូរឲ្យអស់សំណើចមួយ នៅពេលដែលតារាចម្រៀងរ៉េបលំដាប់ថ្នាក់ពិភពលោក នាង Cardi B បានដោះសក់ពាក់របស់ខ្លួនគ្រវែងទៅកាន់អ្នកគាំទ្រដែលកំពុងឈរមើលការសម្តែង នៅក្នុងព្រឹត្តិការណ៍ Wireless Festival ធ្វើឡើងនៅប្រទេសអង់គ្លេស កាលពីថ្ងៃសុក្រ ទី០៥ ខែកក្កដាថ្មីៗនេះ។
វីដេអូគ្រវែងសក់នេះបានផុសដោយ Cardi Bផ្ទាល់ នៅក្នុងគណនីអ៊ីនស្តារក្រាមរបស់នាង ហើយទទួលបានការចាប់អារម្មណ៍យ៉ាងខ្លាំង និងមានអ្នកចូលទស្សនាជាច្រើនលាននាក់។ដោយយោងតាមវីដេអូបានបង្ហាញឲ្យឃើញថា ខណៈពេលដែលកំពុងតែច្រៀង រាំនៅលើឆាកសម្តែងសុខៗ ស្រាប់តែនាងយកដៃចាប់ទាញសក់ហើយបោះទៅអ្នកគាំទ្រតែម្តង។
ប៉ុន្តែអ្វីដែលកាន់តែហួសចិត្តជាងនេះទៅទៀត គឺនៅខាងក្រោមវីដេអូនោះ មានភ្ជាប់នូវសំណេរខ្លីមួយ ដែលរៀបរាប់ពីការសោកស្តាយ ហើយនាងថែមទាំងចង់បានសក់នោះមកវិញទៀតផង។
ទៀតសោតមូលហេតុដែលនាងផុសបែបនេះ ព្រោះសង្ឃឹមថាអ្នកដែលរើសបានសក់នោះ នឹងប្រគល់វាមកឲ្យនាងវិញ ឬដាក់លក់វានៅលើវេបសាយ ebayក៏បាន ហើយនាងនឹងទិញយកវិញ។
យ៉ាងណាមិញ អ្នកគាំទ្រនៅតែមិនអស់ចិត្ត ហេតុអ្វីបានជានាងសម្រេចចិត្តធ្វើបែបនេះ ហើយចុងក្រោយបែរជាស្តាយ និងចង់បានវាមកវិញដដែល៕
ចង់ជ្រាបកាន់តែច្បាស់ សូមទស្សនារូបភាពនិងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]