អ៊ីតាលី៖ ក្លិបបាល់ទាត់ AC Milan បានរួចរាល់ក្នុងការចុះកិច្ចសន្យានាំយកខ្សែការពារស្លាបឆ្វេង Theo Hernandez ពីក្លិបយក្សអេស្ប៉ាញ Real Madrid ក្នុងតម្លៃខ្លួន ២០លានអឺរ៉ូ (១៨លានផោន / ២២.៥លានដុល្លារ)។
Theo Hernandez មានវ័យ ២១ឆ្នាំ និងត្រូវបានក្លិបរួមលីគ La Liga, Real Sociedad ខ្ចីជើងពី Real Madrid កាលពីរដូវកាលមុន ហើយបានចូលបង្ហាញខ្លួនឲ្យ Real Sociedad ចំនួន ២៤ប្រកួត។
Theo Hernandez គឺជាអតីតយុវជនដ៏លេចធ្លោរបស់ក្លិប Atletico Madrid ដែលត្រូវបាន Real Madrid ទិញយកមកកាន់កីឡដ្ឋាន Santiago Bernabeu កាលពីឆ្នាំ២០១៧ ជាមួយតម្លៃខ្លួន ២៤លានអឺរ៉ូ។
ចំពោះការមកលេងនៅ Serie A ជាមួយ AC Milan កីឡាករ Theo Hernandez មានកិច្ចសន្យារយៈពេល ៥ឆ្នាំ ខណៈដែលរដូវកាលដំបូងរបស់ខ្លួន (២០១៩-២០២០) លេងក្នុងលក្ខខណ្ឌខ្ចីជើងសិនប៉ុណ្ណោះ។
គួរបញ្ជាក់ផងដែរថា Theo Hernandez គឺជាកីឡាករទី៥ ហើយដែលចាកចេញពី Real Madrid ក្នុងរដូវកាលនេះបន្ទាប់ពី Marcos Llorente ទៅ AT Madrid, Raul de Tomas ទៅ Benfica, Alvaro Tajero ទៅ Eibar និងចុងក្រោយ Mateo Kovacic ទៅ Chelsea៕
តោះទៅទស្សនាវីដេអូរបស់ Theo Hernandez មកដល់ AC Milan ទាំងអស់គ្នា!!
ប្រភព៖ GOAL
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
