អាមេរិក៖ តារាស្រីកូនមួយKylie Jenner ត្រូវបានអ្នកគ្រប់គ្នាដឹងថា នាងជាកូនស្រីក្នុងគ្រួសារស្តុកស្តម្ភមួយ ហើយក្នុងពេលបច្ចុប្បន្ននេះ នាងក៏ត្រូវបានគេស្គាល់ថាជាសេដ្ឋីនីវ័យក្មេងមួយរូប។
ម្យ៉ាងវិញទៀតKylie Jenner ក៏ជាបុគ្គលម្នាក់ដែល ចូលចិត្តបង្អួតនៅភាពឡូយឆាយរបស់ខ្លួន តាមរយៈការលេងស្ទាយសម្លៀកបំពាក់ ស្ទីលតុបតែងខ្លួន ជាពិសេស តាមរយៈការផ្លាស់ប្តូរ ស៊េរីរថយន្តទំនើបៗជាដើម។
កាលពីពេលថ្មីៗទៅនេះ នាងបានបង្ហោះវីដេអូមួយពី កូនស្រីរបស់នាងStormi និងរថយន្តម៉ាក Lamborghini មួយគ្រឿងដែលមានស្រោបដោយ Louis-Vuitton។ ហើយកាលពីពេលដែលទើបតែកន្លងហួសទៅ នេះក៏នាងបានបង្ហោះរូបមួយសន្លឹកទៀតដែលមានរថយន្តទំនើបៗ រហូតដល់ទៅ៦គ្រឿងក្នុងនោះមានដូចជា រថយន្តម៉ាកRange Rover ពីរគ្រឿង រថយន្តម៉ាក Porsche មួយគ្រឿង រថយន្តម៉ាក Lamborghini មួយគ្រឿង និង រថយន្តដែលនាងអង្គុយពីលើម៉ាក Ferrari ស៊េរីទំនើបមួយគ្រឿងទៀត។
ស្របជាមួយនឹងការបង្ហោះរូបមួយសន្លឹកនោះ ក៏បានធ្វើឲ្យមហាជនមួយចំនួនចូលទៅបញ្ចេញមតិរិះគន់ តាមរយៈComment ក្នុងInstagram របស់នាង។ អ្នកខ្លះបានអបអរសាទរដល់នាង ក៏ប៉ុន្តែអ្នកខ្លះបានលើកឡើងថា៖
«ពិភពលោកនេះពិតជាឆ្កួតពិតមែន។ មនុស្សមួយចំនួនចំណាយទិញឡានតម្លៃខ្ទង់សែន ឬលានដុល្លារ ស្របពេលដែលមនុស្សមួយចំនួន គ្មានសូម្បីលុយសម្រាប់ទិញបាយ បង់ថ្លៃសាលា។ ប៉ុន្តែគ្មានអ្នកមានណាម្នាក់អើពើឡើយ»។
ហើយអ្នកខ្លះទៀត “ប្រជាជន២.៨ ប៊ីលាននាក់ ជិតពាក់កណ្តាលនៃប្រជាជនសរុបរបស់ពិភពលោក រស់នៅដោយរកចំណូលតិចជាង២ដុល្លារក្នុងមួយថ្ងៃ ហើយប្រជាជនមួយប៊ីលាននាក់ផ្សេងទៀត រស់នៅដោយគ្មានទឹកស្អាតប្រើប្រាស់ ក៏ប៉ុន្តែអ្នកបែរជាបង្អួតអំពីឡានដ៏ស្រស់ស្អាតរបស់អ្នកទៅវិញ»។ និងអ្នកខ្លះទៀតបានបញ្ចេញមតិថា “អ្នកគួរតែប្រើលុយខ្លះរបស់អ្នកលើកម្មវិធីមនុស្សធម៌មិនមែនលើរថយន្តទេ” ។
គួរបញ្ជាក់ផងដែរថា នេះមិនមែនលើកទីមួយនោះទេ ដែលនាង ត្រូវហ្វេនរិះគន់ រឿងអួតរបស់ទ្រព្យ ហើយក៏អាចនិយាយបានថា វាសុំាសម្រាប់នាងទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]