កូឡុំប៊ី៖ បន្ទាប់ពីខកខានជើងយន្ដហោះ នារីម្នាក់ខឹងយ៉ាងខ្លាំង បណ្ដាលឲ្យចាប់បោកកុំព្យូទ័ររបស់បុគ្គលិកនៅកន្លែង check-in។
យោងតាមប្រភពបានឲ្យដឹងថា ហេតុការណ៍នេះបានកើតឡើងនៅអាកាសយានដ្ឋាន Jose Maria Cordova ក្នុងទីក្រុង Rionegro ប្រទេសកូឡុំប៊ី។ នារីដែលបង្កហេតុ បានកក់សំបុត្រជើងហោះហើរទៅកាន់ ទីក្រុង Bogota ដែលត្រូវចេញហោះហើរនៅវេលាម៉ោង ១១:៤០នាទីព្រឹក ប៉ុន្ដែនាងបានមកដល់អាកាសយានដ្ឋាននៅវេលាម៉ោង ១២:១០នាទីថ្ងៃត្រង់ទៅវិញ។ បុគ្គលិកនៅទីនោះបានប្រាប់នាងអំពីការយឺតយ៉ាវនៃជើងហោះហើររបស់នាង បណ្ដាលឲ្យនាងផ្ទុះកំហឹង បង្កទៅជាមានការចាប់បោកកុំព្យូទ័ររបស់បុគ្គលិកដែលកំពុងធ្វើការនៅទីនោះ។
យោងតាមវីដេអូ នាងបានព្យាយាមយកដៃបិទមុខ នៅពេលបុរសដែលជាបុគ្គលិកនៅទីនោះយកទូរស័ព្ទថតនាង។ នាងក៏បានដើរសំដៅទៅកាន់បុរសនោះ ដើម្បីទះកំភ្លៀងទៀតផង ប៉ុន្ដែត្រូវបានបុគ្គលិកនៅទីនោះ បិទទ្វារទាន់។
យោងតាមប្រភពបានឲ្យដឹងទៀតថា បន្ទាប់ពីមានហេតុការណ៍នេះកើតឡើងមក មានប៉ូលិសមួយក្រុមបានមកដល់ ដើម្បីធ្វើការឃាត់ខ្លួននាង។ នាងក៏ត្រូវបានចាប់ខ្លួនពីបទ បំផ្លាញទ្រព្យសម្បតិ្តអ្នកដ៏ទៃផងដែរ។
សូមទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
