ភ្នំពេញ៖ ក្រោយពីបាត់មុខពីសិល្បៈមួយរយៈ អ្នកនាង យក់ ថិតរដ្ឋា ដែលជាតារាចម្រៀងជើងចាស់ សំឡេងស្អក ល្បីល្បាញមួយរូប នៅតែអាចរក្សាបានប្រជាប្រិយភាព ពីសំណាក់មហាជនរាល់គ្នាមិនថមថយ។
លើសពីនេះ តារាចម្រៀងស្រីរូបនេះ បានធ្វើឲ្យអ្នកគាំទ្រចាប់អារម្មណ៍យ៉ាងខ្លាំង ទៅលើជីវិតគ្រួសារដែលមើលទៅ ពោរពេញដោយសេចក្តីសុខ សុភមង្គលយ៉ាងខ្លាំង ជាមួយស្វាមី ព្រមទាំងកូនៗផងដែរ។
អ្វីដែលពិសេសនោះ ស្វាមីរបស់នាង គឺលោក ឃំុ ប៉ុណ្ណាដែត ក៏បានបំពេញតួនាទី បានយ៉ាងល្អ ដោយស្រលាញ់ថ្នាក់ថ្នម និងផ្គាប់ចិត្តនាង មិនឲ្យមានការទាស់ចិត្តនោះទេ។
ជាក់ស្ដែង កាលពីពេលថ្មីៗនេះ យក់ ថិតរដ្ឋា ទទួលបានកាដូគួរជាទីគាប់ចិត្តមួយពីម្ចាស់បេះដូង ដែលជារបស់ជាទីស្រលាញ់របស់នាងទៀតផង។ តាមរយៈហ្វេសប៊ុករបស់ យក់ ថិតរដ្ឋា បានបង្ហាញនូវរថយន្តម៉ាក Prius ស៊េរីថ្មីមួយគ្រឿង ដែលជាកាដូពីស្វាមីរបស់នាងផ្ទាល់តែម្ដង។
ក្នុងនោះដែរ រដ្ឋា ក៏បានបង្ហាញអារម្មណ៍រំភើប អមដោយសារថ្លែងអរគុណដល់ស្វាមីជាទីស្រលាញ់របស់នាង ដែលតែងតែបំពេញបំណងរបស់នាងជានិច្ច។
យ៉ាងណាមិញ ក្រោយពីឃើញបែបនេះហើយ ក៏បានធ្វើឲ្យមហាជនអ្នកគាំទ្រជាច្រើន កួចចិត្តច្រណែនដល់ជីវិតគូ របស់ប្តីប្រពន្ធគំរូមួយគូនេះគ្រប់គ្នាតែម្ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
