ថៃ៖ តារាសម្តែងស្រីវ័យក្មេង ដែលទើបតែមានអាយុ ១៥ ឆ្នាំ Ally Nitibhon បានក្លាយទៅជាតារាមួយដួងកំពុងរះត្រចះត្រចង់ និងទទួលបាននូវការចាប់អារម្មណ៍យ៉ាងខ្លាំងពីសំណាក់ទស្សនិកជន តាមរយៈការសម្តែងរឿង «បងប្រុសកំពូលកូរ» កាលពីពេលកន្លងទៅនេះ។
ឆ្លងតាមការសម្តែងរឿងនេះ Ally Nitibhon ក៏ត្រូវបានអ្នកគាំទ្រជាច្រើននិយាយថា នាងមានមុខមាត់ស្រដៀងគ្នាទៅនឹងកំពូលតារាសម្តែងស្រី Yaya Urassaya ថែមទៀតផង ហេតុដូច្នេះហើយទើបអ្នកដឹកនាំរឿងបានសម្រេចចិត្តជ្រើសរើសនាងមកសម្តែងជាតួកញ្ញា Yaya Urassaya កាលពីនៅក្មេង ដោយនាពេលនោះ គឺបានទទួលប្រជាប្រិយភាពគួរឱ្យកត់សម្គាល់។
ជាក់ស្តែង មកដល់បច្ចុប្បន្នតារាស្រីវ័យក្មេងរូបនេះ មិនត្រឹមតែមានសមត្ថភាពខ្ពស់នៅក្នុងការសម្តែងប៉ុណ្ណោះទេ ប៉ុន្តែបើក្រឡេកទៅមើលពីរូបសម្រស់របស់នាងវិញ ក៏មិនចាញ់តារាវ័យស្រករគ្នាប៉ុន្មានដែរ ហើយកាន់តែធំពេញរូបពេញរាងគឺរឹតតែគួរឱ្យស្រលាញ់ខ្លាំងតែម្តង។
ប៉ុន្តែកាលពីពេលមុននេះ Ally Nitibhon ក៏ត្រូវបានទស្សនិកជនមួយចំនួនតូចនាំគ្នារិះគន់នាងថា ខំប្រឹងចម្លងស្ទាយ៍តាមកញ្ញា Yaya Urassaya ជ្រុល រហូតគ្មានស្ទាយ៍ជារបស់ខ្លួនឯងសោះ។ តែទោះបីជាយ៉ាងនេះក្តី នាងក៏នៅតែទទួលបាននូវការកោតសរសើរពីស្នាដៃក្នុងសិល្បៈ នៃការសម្តែងកន្លងមកជាហូរហែផងដែរ។
គួរឱ្យដឹងផងដែរ Ally Nitibhon គឺជាកូនរបស់តារាសម្តែងជើងចាស់លោក Amarin Nitipon វ័យ ៥០ ឆ្នាំ និងអ្នកម្តាយរបស់នាងក៏ជាតារាសម្តែង ដែលមានកេរ្តិ៍ឈ្មោះល្បីល្បាញដែរ ដោយបានទទួលស្គាល់ពីទស្សនិកជនទូទៅកាលពីជាង ៣០ឆ្នាំមុន៕
ទស្សនារូបភាពខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]