ខេត្តកំពត ៖ នារីវ័យក្មេងដ៏ស្រស់ស្អាតម្នាក់បានប៉ុនប៉ងធ្វើអត្តឃាតដោយលោតទឹកសម្លាប់ខ្លួន នៅលើស្ពានថ្មព្រែកកំពង់បាយ ស្ថិតក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត បង្កឲ្យមានការភ្ញាក់ផ្អើលដល់សមត្ថកិច្ចដែលយាមប្រចាំការប៉ុស្តិ៍២៤ម៉ោងលើ២៤ម៉ោង នៅគល់ស្ពាន និងប្រជាពលរដ្ឋអ្នកធ្វើដំណើរលើស្ពាន បាននាំគ្នាជួយទាន់កាលពីវេលាម៉ោង១១និង៣០នាទីថ្ងៃទី៥ ខែកក្កដានេះ ។
ដោយសមត្ថកិច្ចបានឃើញហេតុការនារីដែលបម្រុងលោតទឹកសម្លាប់ខ្លួនទាន់ពេលវេលាក៏បានទៅជួយអន្តរាគមន៍ចាប់យកមកកាន់ប៉ុស្តិ៍ប្រចាំការក្បាលស្ពានត្រើយខាងកើត ដើម្បីសួរនាំពីមូលហេតុដែលនារីរូបនេះប៉ុនប៉ងធ្វើអត្តឃាតសម្លាប់ខ្លួន ។
លោកវរសេនីយឯក ហោ វណ្ណាអធិការក្រុងកំពតបានប្រាប់កោះសន្តិភាពថា នារីរងគ្រោះជាមនុស្សមានសតិមិនគ្រប់ នេះបើតាមម្តាយស្ត្រីរូបនេះបានប្រាប់សមត្ថកិច្ច ហើយកាលពីរៗខែមុននារីរូបនេះធ្លាប់ជិះម៉ូតូកាន់កាំបិត ហើយជិះរេពេញផ្លូវ ធ្វើឲ្យមានរភ្ញាក់ផ្អើលដល់អ្នកភូមិ និងអ្នកធ្វើដំណើរតាមផ្លូវ រួចត្រូវបានកម្លាំងនគរបាលព្រហ្មទណ្ឌក្រុងកំពតឃាត់ខ្លួនមកសួរនាំដល់តែដឹងថា ជាមនុស្សសរសៃប្រសាទ ក៏ឲ្យក្រុមគ្រួសារមកយកទៅផ្ទះវិញទៅ ស្រាប់តែថ្ងៃនេះទៅប៉ុនប៉ងលោតទឹកតែម្តង ។ ដូច្នេះនារីរូបនេះដោយសារមូលហេតុដូចបានរៀបរាប់ខាងលើ មិនមែនលោតទឹកដោយខូចចិត្តដូចអ្នកលេងហ្វេសប៊ុកបានសង្ស័យនោះទេ ។
នារីរងគ្រោះឈ្មោះ ល ស ខ អាយុ២៦ឆ្នាំ មានទីលំនៅភូមិកំពង់បាយខាងជើង សង្កាត់កំពង់បាយ ក្រុងកំពត ។ លោកបានបន្តថា ក្រោយពេលសមត្ថកិច្ចក្រៀកចាប់ឲ្យផុតពីស្ពានមកសមត្ថកិច្ចដឹកដៃ តែមិនបានសួរនាំអ្វីផងនារីរងគ្រោះរូបនេះនិយាយតែម្នាក់ឯងដោយគ្មានអ្នកណាសួរនាំនោះទេ គាត់និយាយតែឯងហូរហែរពីនេះពីនោះ ព្រមទាំងមានពាក្យខ្លះស្តីឲ្យទាំងសមត្ថកិច្ចទៀតផងសមត្ថកិច្ចក៏បានប្រគល់ឲ្យក្រុមគ្រួសារនាំទៅផ្ទះវិញបន្ទាប់ពីនាំមកដល់អធិការក្រុងកំពត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
