ភ្នំពេញ៖ ពីមួយថ្ងៃទៅមួយថ្ងៃ គេសង្កេតឃើញថាតារាចម្រៀងស្រីដែលជាម្ចាស់ជ័យលាភី Cambodia Idol រដូវកាលទី ២ កញ្ញា ឈិន ម៉ានិច្ច កាន់តែទទួលបានប្រជាប្រិយភាព មិនធម្មតានោះទេ ជាមួយបទចម្រៀងថ្មីៗ ល្បីៗដែលចេញលក់នៅលើទីផ្សារ។
ដោយឡែក ទន្ទឹមនឹងអាជីពការងារក្នុងសិល្បៈកាន់តែកាក់កប ស្រាប់តែព្រឹកមិញនេះ កញ្ញា ឈិន ម៉ានិច្ច បានបង្ហោះរូបភាពប៉ុន្មានសន្លឹក ក្នុងគណនីផ្លូវការរបស់ខ្លួនបង្ហាញពីទិដ្ឋភាពពិធីសូត្រមន្តឡើងគេហដ្ឋានថ្មី ដែលទើបតែទិញថ្មីៗនេះ។
យ៉ាងណាក្តី សម្រាប់គេហដ្ឋានថ្មី ដែលទើបតែសូត្រមន្តឡើងនេះដែរ កញ្ញា ឈិន ម៉ានិច្ច មិនបានបញ្ជាក់អំពីតម្លៃនោះទេ ក៏ប៉ុន្តែបើតាមការប៉ាន់ស្មានពីអ្នកគាំទ្រ ចំពោះគេហដ្ឋាននេះគឺមានតម្លៃ មិនក្រោយខ្ទង់ម៉ឺនដុល្លារនោះឡើយ។
ទោះជាយ៉ាងណាក្តី ទាំងនេះបានបង្ហាញឲ្យអ្នកគាំទ្រជ្រាបថា ពីមួយថ្ងៃទៅមួយថ្ងៃ ម៉ានិច្ច កាន់តែល្បី កាន់តែកាក់កបក្នុងអាជីពសិល្បៈ រហូតមានលទ្ធភាពទិញផ្ទះតម្លៃរាប់ម៉ឺនដុល្លារ ពិតជាគួរឲ្យសរសើរមែនទែន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
