ភ្នំពេញ៖ កាលពីដើមសប្តាហ៍កន្លងទៅនេះ «Maha's Home School of Beauty» ដែលជាថ្នាក់បណ្តុះបណ្តាលជំនាញផ្នែកផាត់មុខធ្វើសក់ និងស្លៀកសម្លៀកបំពាក់កូនក្រមុំ បានធ្វើពិធីប្រគល់សញ្ញាបត្របញ្ចប់វគ្គសិក្សាដល់សិស្ស ៤ ជំនាន់រួមគ្នា នៅឯភោជនីយ៍ដ្ឋានទន្លេបាសាក់២។
លោក មហាវិរះ ស្ថាបនិកនៃ Maha’s Home បានមានប្រសាសន៍ឱ្យដឹងថា៖
«ការបង្កើតថ្នាក់បណ្តុះបណ្តាលលើមុខជំនាញមួយនេះឡើង គឺដើម្បីផ្តល់នូវការសិក្សាមួយប្រកបដោយគុណភាព និងបំពេញតម្រូវការទីផ្សារការងារខាងផ្នែកសំអាងការ នាពេលបច្ចុប្បន្នដែលវិស័យមួយនេះកំពុងរីកចម្រើនយ៉ាងគំហុក»។
លោកក៏បានបន្ថែមឱ្យដឹងទៀតថា៖
«ការជ្រើសរើសកន្លែងសិក្សា ដើម្បីទទួលបានជំនាញមួយពិតប្រាកដ គឺជារឿងចាំបាច់បំផុត ។ ដូចនេះហើយ Maha’s Home បានផ្តោតសំខាន់បំផុតលើមូលដ្ឋានគ្រឹះ និង ការអនុវត្តន៍ជាក់ស្តែង ដើម្បីទទួលបាននូវចំណេះដឹង និងចំណេះធ្វើ និងក្លាយជាធនធានដែលមានសម្ថភាពគ្រប់គ្រាន់ក្នុងការប្រកួតប្រជែងទីផ្សារការងារជាមួយប្រទេសជិតខាងនាពេលអនាគត»។
ថ្លែងពីចំណាប់អារម្មណ៍ផ្ទាល់ខ្លួនលោក Leang Makeup បានប្រាប់ឱ្យដឹងផងដែរថា៖
«មូលហេតុដែលខ្ញុំជ្រើសរើស Maha's Home ដើម្បីសិក្សាលើមុខជំនាញមួយនេះព្រោះការសិក្សា នៅទីនេះគឺបង្រៀនដោយផ្ទាល់ពីលោកគ្រូ មហាវិរះ ដែលជាអ្នកជំនាញមួយរូប។ ហើយក្រោយពីបាសិក្សានៅ Maha’s Home រួចមកទីផ្សារការងារខ្ញុំហាក់ទទួលបានការគាំទ្រច្រើនជាងមុន»។
គួរបញ្ជាក់ផងដែរថា កម្មវិធីនេះគឺបង្កើតឡើងក្នុងគោលបំណងលើកកម្ពស់ការងារ និងការចែករំលែកបទពិសោធន៍ការងារគ្នាទៅវិញទៅមក។ ហើយក៏មានការចូលរួមពីភ្ញៀវកត្តិយស អ្នកសារព័ត៌មានជាតិ ម្ចាស់សហការឧបត្ថម្ភជាច្រើនផងដែរ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]