បណ្តោយខ្លួនមួយពេល Marioឡើងកាម៉ាប់ ដល់ពេលនេះ ប្រញាប់ហាត់យកសាច់ដុំវិញ ក្រោយពេលហ្វេន បង្អាប់ថាធាត់!

ថៃ៖ បើនិយាយពីឈ្មោះ Mario Maurer នោះប្រិយមិត្តប្រាកដជានឹកឃើញដល់តារាសម្តែងប្រុសដែលមានរូបរាងសង្ហាសាច់់ដុំធំៗ ហើយថែមទាំងពូកែនិយាយកំប្លែង ឲ្យអ្នកនៅជុំវញខ្លួនមានអារម្មណ៍ល្អទៀតផង។

ប៉ុន្តែស្រាប់តែមួយរយៈក្រោយនេះ Mario ត្រូវបានហ្វេនៗនាំគ្នាបង្អាប់ថាធាត់ទៅវិញ ហើយលោកមិនសូវបង្ហាញរាងសង្ហាសាច់ដុំ៦កង់ដូចមុនដែរ។ ដោយតារាសម្តែងប្រុសវ័យ៣០ឆ្នាំរូបនេះ ហាក់ដូចជាបណ្តោយខ្លួន មិនសូវខ្វល់ខ្វាយពីរូបរាងប៉ុន្មានទេ។

ជាក់ស្តែងចំពោះរឿងនេះមានហ្វេនៗលើកយកមកនិយាយច្រើនពេក ស្រាប់តែ Mario ចេញមកនិយាយរៀបរាប់ថា ពេលនេះ លោកកំពុងតែត្រឡប់មកហាត់ប្រាណយកសាច់ដុំវិញហើយ ដើម្បីកុំឲ្យហ្វេនៗបង្អាប់លោកថាធាត់ទៀត។ 

មិនត្រឹមតែព្យាយាមហាត់ប្រាណទេ លោកថែមទាំងតមអាហារ និងជាតិផ្អែមជាច្រើនទៀត។ ម្យ៉ាងវិញទៀតលោកនូវមានរឿងជាច្រើទៀតដែលត្រូវសម្តែងទាំងក្នុង និងក្រៅប្រទេស ដូច្នេះហើយរូបរាងគឺសំខាន់ខ្លាំងណាស់។

ជាការពិតណាស់រូបរាងគឺចាំបាច់បំផុតសម្រាប់តារាសម្តែង ព្រោះពួកគេត្រូវរក្សារូបរាងមួយដែលមើលទៅសមសម្រាប់ការស្លៀកពាក់ ជាពិសេសពេលចូលទៅក្នុងកាមេរ៉ា៕

សូមទស្សនារូបភាពខាងក្រោម៖

• តារាថៃ